प्रशिक्षकाची भूमिका समरसून करताना जिंकली चाहत्यांची मने
गुवाहाटी ः राजस्थान रॉयल्स संघाला घरच्या मैदानावर राजस्थान रॉयल्स संघाला पराभव स्वीकारावा लागला. या पराभवात राजस्थान रॉयल्स संघाचे प्रशिक्षक राहुल द्रविड यांनी सर्वांचे लक्ष वेधून घेतले. व्हीलचेअरवर राहुल द्रविड यांनी मैदानात येऊन खेळाडूंना मार्गदर्शन केले. द्रविड यांची ही कृती क्रिकेट चाहत्यांचे मन जिंकून गेली.
राहुल द्रविडच्या प्रशिक्षणाखाली राजस्थान रॉयल्स संघाची आयपीएलच्या नव्या हंगामाची सुरुवात खराब झाली आहे. पहिल्या दोन सामन्यात दोन पराभवांसह, आरआर संघ -१.८८२ च्या निव्वळ धावगतीसह पॉइंट टेबलमध्ये तळाशी आहे. आयपीएलच्या आधी, एका क्लब चॅरिटी सामन्यात खेळताना द्रविडला पायाला दुखापत झाली आणि तो डाव्या पायावर पट्टी बांधून आरआर कॅम्पमध्ये पोहोचला. हा अनुभवी खेळाडू सध्या क्रॅचशिवाय चालू शकत नाही आणि कोलकाता नाईट रायडर्सविरुद्धच्या अलिकडच्या पराभवानंतर द्रविड व्हीलचेअरवर मैदानावर फिरताना दिसला.
व्हीलचेअरवरील द्रविडचा फोटो आणि व्हिडिओ व्हायरल झाला आहे. सोशल मीडिया वापरकर्ते यावर प्रतिक्रिया देत आहेत आणि दुःख व्यक्त करत आहेत. आयपीएल २०२५ च्या आधी, आरआरने सोशल मीडियावर एक फोटो शेअर केला, ज्यामध्ये त्यांनी लिहिले की, ‘मुख्य प्रशिक्षक राहुल द्रविड बंगळुरूमध्ये क्रिकेट खेळताना जखमी झाला. तो सध्या पुनर्वसन प्रक्रियेत आहे आणि लवकरच जयपूरमध्ये आमच्यासोबत येईल. यानंतर, त्याचा पहिला फोटो आला ज्यामध्ये तो कुबड्यांच्या मदतीने चालत होता. हे पाहून चाहते थक्क झाले. आताही चाहते त्याच्या लवकर बरे होण्याची कामना करत आहेत. द्रविडच्या प्रशिक्षणाखाली भारताने गेल्या वर्षी टी २० विश्वचषक जिंकला होता.
द्रविड हा राजस्थान रॉयल्सचा माजी कर्णधार आहे आणि त्याने २०११ ते २०१५ पर्यंत फ्रँचायझीसोबत पाच हंगाम घालवले. त्याने २०१४ मध्ये रॉयल्ससोबत त्याच्या कोचिंग कारकिर्दीला सुरुवात केली. द्रविड या वर्षाच्या सुरुवातीला मैदानात परतला आणि २२ फेब्रुवारी रोजी नासूर मेमोरियल शील्डमध्ये केएससीए ग्रुप १, डिव्हिजन ३ लीग सामन्यात त्याचा धाकटा मुलगा अन्वय सोबत खेळून चाहत्यांची मने जिंकली.
