छत्रपती संभाजीनगर ः दिल्ली येथे नुकत्याच आयोजित केलेल्या राष्ट्रीय ज्युदो स्पर्धेत छत्रपती संभाजीनगरच्या श्रुतकिर्ती खलाटे हिने कांस्यपदक पटकावले.
बजाजनगर व्यायाम व क्रीडा प्रसारक मंडळाच्या श्रीमती देवानी ज्युदो ट्रेनिंग केंद्रातील श्रुतकिर्ती मिनीनाथ खलाटे हिने महाराष्ट्राचे प्रतिनिधित्व करताना राष्ट्रीय ज्युदो स्पर्धेत शानदार कामगिरी बजावली. श्रुतकिर्ती ही ऑर्चिड टेक्नो स्कूलची विद्यार्थिनी आहे. तिने या स्पर्धेत कॅडेट गटात दिल्ली, जम्मू काश्मीर, हरियाणा, राजस्थानच्या खेळाडूंना नमवन कांस्य पदक पटकावले. या घवघवीत यशाबद्दल बजाजनगर ज्युदो क्लब वतीने श्रुतकिर्ती खलाटेचा सत्कार करण्यात आला.
श्रुतकिर्तीला मुख्य प्रशिक्षक भीमराज रहाणे, अशोक जंगमे यांचे प्रशिक्षण लाभत आहे. या कामगिरीबद्दल दत्ता आफळे, सतीश पहाडे, योगेश टिळक, सतीश पहाडे, योगेश टिळक, जिल्हा क्रीडा अधिकारी बाजीराव देसाई, किशन मायंदे, लता लोंढे, जिल्हा ज्युदो संघटनेचे अध्यक्ष अजित मुळे, सचिव अतुल बामणोदकर, विश्वजित भावे, विश्वास जोशी, डॉ गणेश शेटकर, प्रसन्न पटवर्धन, भास्कर जाधव, भीमाशंकर नावंदे, झिया अन्सारी, विजय साठे, अमित साकला, संजय परळीकर, सुनील सिरस्वाल, मनिंदर बिलवाल, दत्तू पवार, बजाजनगर मंडळाचे अध्यक्ष नंदमूरी श्रीनिवास, मनोहर देवानी, अनिल पवार, नामदेव दौड, अभिजीत दळवी, भीमराज रहाणे, अशोक जंगमे, सुधी काटकर, विकास देसाई, शैलेश सागर कावळे, घुगे, राज जंगमे, कल्याणी शेटकर, उषा अंभोरे, सुप्रिया जंगमे, ऋतुजा पाटील आदीनी तिचे अभिनंदन केले आहे.
