गुवाहाटी ः चेन्नई सुपर किंग्ज संघाला पराभवाचा धक्का देत राजस्थान रॉयल्स संघाने पहिला विजय नोंदवला. या विजयाचा हिरो ठरला तो नितीश राणा. नितीश राणा याने या सामन्यात धमाकेदार अर्धशतक ठोकले. या विजयानंतर राणा म्हणाला की, तिसऱ्या क्रमांकावर फलंदाजी करण्यासाठी पाठवण्याचा निर्णय प्रशिक्षक व व्यवस्थापनाचा होता. मी कोणत्याही क्रमांकावर फलंदाजी करण्यास तयार आहे.
राजस्थान रॉयल्सने अखेर इंडियन प्रीमियर लीग मध्ये आपले खाते उघडले. नितीश राणाची स्फोटक फलंदाजी आणि वानिंदू हसरंगाची घातक गोलंदाजी यांनी संघाच्या विजयात महत्त्वाची भूमिका बजावली. या रोमांचक सामन्यात राजस्थानने चेन्नई सुपर किंग्जचा फक्त ६ धावांनी पराभव केला.
राजस्थानकडून तिसऱ्या क्रमांकावर फलंदाजीला आलेल्या नितीश राणाने ३६ चेंडूत ८१ धावांची धमाकेदार खेळी केली ज्यामध्ये त्याने १० चौकार आणि पाच उत्तुंग षटकार मारले. त्याच्या स्फोटक फलंदाजीमुळे राजस्थान संघाला २० षटकांत नऊ विकेट गमावून १८२ धावा करता आल्या.
लक्ष्याचा पाठलाग करण्यासाठी आलेल्या चेन्नई सुपर किंग्जसाठी हे आव्हान सोपे नव्हते. विशेष म्हणजे, २०१९ पासून चेन्नईला एकदाही १८० पेक्षा जास्त धावांचे लक्ष्य गाठता आलेले नाही आणि यावेळीही तेच घडले. चेन्नईचा संघ २० षटकांत ६ बाद १७६ धावाच करू शकला आणि पुन्हा एकदा लक्ष्यापासून दूर राहिला.
राजस्थान रॉयल्सचा फलंदाज नितीश राणा याने चेन्नई सुपर किंग्जविरुद्धच्या सामन्यात केवळ ३६ चेंडूत ८१ धावा करत संघाच्या विजयात महत्त्वाची भूमिका बजावली. त्याच्या स्फोटक खेळीनंतर, राणाने सांगितले की त्याचे ध्येय पॉवरप्लेचा जास्तीत जास्त फायदा घेणे आहे कारण नवीन चेंडूचा योग्य वापर करणे महत्वाचे आहे.
नितीश राणांनी गुपित उघड केले
सामन्यानंतर बोलताना राणा म्हणाला की पॉवर प्लेमध्ये जास्तीत जास्त धावा करण्याचा त्याचा प्रयत्न होता. म्हणून त्याने पॉवर प्लेचा पुरेपूर फायदा घेण्याची रणनीती स्वीकारली. तिसऱ्या क्रमांकावर फलंदाजी करण्याच्या निर्णयाबद्दल ते म्हणाले की, हा पूर्णपणे प्रशिक्षक आणि व्यवस्थापनाचा निर्णय होता. तथापि, त्याने स्पष्ट केले की तो कोणत्याही क्रमाने फलंदाजी करण्यास तयार आहे. हा एक धोरणात्मक निर्णय होता कारण चौथ्या क्रमांकावर तो अधिक आक्रमक होण्याचा प्रयत्न करत होता आणि तिसऱ्या क्रमांकावर रायनही तेच करत होता.
राणा म्हणाला की त्याला बराच काळ खेळपट्टीवर राहायचे होते आणि आज तो ते करू शकला हे चांगले आहे. आता तो तिसऱ्या क्रमांकावर फलंदाजी करेल का असे विचारले असता, तो म्हणाला की तुम्हाला हे राहुल सरांना (मुख्य प्रशिक्षक राहुल द्रविड) विचारावे लागेल.
