शालेय शिक्षण मंत्री दादा भुसे यांना निमंत्रण
छत्रपती संभाजीनगर ः महाराष्ट्र इंग्लिश स्कूल असोसिएशएन (मेसा) संघटनेतर्फे छत्रपती संभाजीनगर शहरात सप्टेंबर महिन्यात विद्यार्थी सुरक्षा व दर्जेदार शिक्षण या विषयावर कार्यक्रमाचे आयोजन करण्यात येणार आहे. या कार्यक्रमाला शालेय शिक्षणमंत्री दादा भुसे यांना उद्घाटक म्हणून निमंत्रण देण्यात आले आहे.
महाराष्ट्र इंग्लिश स्कूल असोसिएशन (मेसा) संघटनेच्या पदाधिकाऱ्यांची बैठक गुरुकुल ऑलिम्पियाड इंग्लिश स्कूल, विमानतळाजवळ, चिकलठाणा या ठिकाणी झाली. या बैठकीत शालेय शिक्षणमंत्री दादा भुसे यांचे आभार मानण्यात आले.
१८ जानेवारी २०२५ रोजी शालेय शिक्षणमंत्री दादा भुसे यांना आरटीई प्रतिपूर्ती थकित रक्कम व इतर मागण्या संदर्भात मेसा संघटनेचे राज्य अध्यक्ष प्रा प्रवीण आव्हाळे, राज्य सरचिटणीस संदीप लघामे पाटील, जिल्हा अध्यक्ष सुनील मगर पाटील, प्रा अक्षय न्यायाधीश व मुजाबोद्दीन शेख यांनी निवेदन दिले होते. मेसा संघटनेच्या या निवेदनाची दखल शालेय शिक्षण मंत्री दादा भुसे यांनी घेऊन आरटीई प्रतिपूर्ती रक्कम जवळपास अंदाजे ४०० कोटी मंजूर केले व त्याच बरोबर उच्च न्यायालयात ज्या इंग्रजी शाळा गेल्या होत्या त्यांचे सुद्धा आरटीई प्रतिपूर्ती रक्कम अंदाजे या ४०० कोटीमध्ये मंजूर करण्यात आले आहे. याबद्दल मेसा संघटनेच्या पदाधिकारी यांनी आभार मानले व यापुढे पण इंग्रजी शाळांचे राहिलेले आरटीई प्रतिपूर्ती रक्कम अंदाजे २१०० कोटी रुपये लवकर व वेळेवर मिळतील अशी अपेक्षा व्यक्त करण्यात आली .
छत्रपती संभाजीनगरचे शिक्षणाधिकारी जयश्री चव्हाण यांनी शासनाकडून आलेले ८ कोटी आरटीई प्रतिपूर्ती रक्कम इंग्रजी शाळांच्या खात्यावर तात्काळ जमा करावे अशा प्रकारचे निवेदन मेसा संघटनेच्या माध्यमातून देण्याचे ठरले आहे .
या बैठकीला मेसा संघटनेचे राज्य अध्यक्ष प्रा प्रवीण आव्हाळे, राज्य कार्याध्यक्ष हनुमान भोंडवे पाटील, राज्य उपाध्यक्ष नागेश जोशी, राज्य कोषाध्यक्ष डॉ संजय पाटील, राज्य सरचिटणीस संदीप लघामे पाटील, सदस्य सतीश तांबट, जिल्हा उपाध्यक्षा मंजुषा शुक्ला, ऋषिकेश जोशी व रुपाली देशपांडे आदी मान्यवर उपस्थित होते.
