रिअल माद्रिद-बार्सिलोना संघ जाहीर, मुंबईत रविवारी होणार सामना
मुंबई ः जगभरात फुटबॉलची क्रेझ आहे. भारतातही फुटबॉल खेळाचे खूप चाहते आहेत. जेव्हा फिफा विश्वचषक किंवा युरो कप किंवा कोपा अमेरिका सारख्या स्पर्धा खेळल्या जातात तेव्हा भारतीय चाहत्यांमध्ये त्याची क्रेझ दिसून येते. याशिवाय, भारतीय चाहते यूईएफए चॅम्पियन्स लीग, बुंडेसलिगा, लीग-१, ला लीगा सारख्या अनेक लीग स्पर्धा देखील उत्सुकतेने पाहतात. या क्रमाने, भारतीय चाहत्यांचे एक स्वप्न पूर्ण होणार आहे. रिवाल्डो, कार्लोस पुयोल, लुईस फिगो, पेपे आणि झावी या सारख्या फुटबॉल दिग्गजांना खेळताना येत्या रविवारी पाहू शकणार आहेत. हे सर्व खेळाडू रिअल माद्रिद आणि बार्सिलोना यांच्यातील सामना खेळण्यासाठी भारतात येत आहेत. हा सामना मुंबईत खेळला जाईल.
या अनोख्या सामन्यात स्पॅनिश लीगमधील दोन कट्टर प्रतिस्पर्धी, एफसी बार्सिलोना आणि रिअल माद्रिद डीवाय पाटील स्टेडियमवर एकमेकांसमोर येतील. या लेजेंड्स फेसऑफ फुटबॉल सामन्यात कार्लोस पुयोल लुईस फिगोच्या रिअल माद्रिदविरुद्ध एफसी बार्सिलोनाचे नेतृत्व करेल. स्पोर्ट्स फ्रंट या सामन्याचे आयोजक आहे. यासाठी दोन्ही संघांनी बुधवारी आपापल्या संघांची घोषणा केली.
“द लेजेंड्स फेसऑफ ही एक अनोखी स्पर्धा असेल,” पुयोल यांनी एका प्रसिद्धीपत्रकात म्हटले आहे. भारतात पहिल्यांदाच खेळण्यासाठी मी खूप उत्सुक आहे. येथील चाहत्यांचा उत्साह अविश्वसनीय आहे आणि तो प्रत्यक्ष अनुभवण्यासाठी मी उत्सुक आहे.” फिगो पुढे म्हणाले, “भारतात फुटबॉलवरील प्रेम दिवसेंदिवस वाढत आहे आणि या दोन्ही संघांमधील स्पर्धा मुंबईच्या चाहत्यांसमोर आणणे हा एक भाग्य आहे. हा एक संस्मरणीय सामना असेल.
रिअल माद्रिद दिग्गज
लुईस फिगो (कर्णधार), पेड्रो कॉन्ट्रेरास, किको कॅसिला, फ्रान्सिस्को पावोन, फर्नांडो सॅन्झ, अगस्टिन गार्सिया, पेड्रो मुनिटिस, रुबेन डी ला रेड, अँटोनियो कारेम्ब्यू, फर्नांडो ओरिएंटेस, पेपे, मायकेल ओवेन.
एफसी बार्सिलोना दिग्गज
कार्लोस पुयोल (कर्णधार), जीसस एंगोय, व्हिटर बाया, जोफ्रे माटेयू, फर्नांडो नवारो, रॉबर्टो ट्रॅशोरास, जॅव्हियर सॅव्हिओला, फिलिप कोकू, फ्रँक डी बोअर, जिओव्हानी सिल्वा, रिवाल्डो, मार्क व्हॅलिएंटे हर्नांडेझ, लुडोविक गिउली, मेनकार्डो, रिकार्डो, मार्क व्हॅलेंटे हर्नांडेझ झेवी, जोस एडमिलसन गोम्स डी मोरेस, पॅट्रिक क्लुइव्हर्ट.
