परभणीच्या स्टार खेळाडू आद्या बाहेती, शरयु टेकाळेचा गौरव 

  • By admin
  • April 4, 2025
  • 0
  • 68 Views
Spread the love

परभणी ः परभणी जिल्हा टेबल टेनिस असोसिएशनची खेळाडू आद्या बाहेती आणि शरयु टेकाळे यांना रोख पारितोषिक देऊन गौरव करण्यात आला.

परभणी जिल्हा टेबल टेनिस असोसिएशन वतीने आंतरराष्ट्रीय टेबल टेनिस स्पर्धेत आद्मा महेश बाहेती हिने जागतिक युवा मालिका टेबल टेनिस स्पर्धेत ११ वर्षांखालील वयोगटात कांस्य पदक पटकावले. शालेय राष्ट्रीय टेबल टेनिस स्पर्धेत शरयु माधव टेकाळे हिने जळगाव येथील राज्य मानांकन स्पर्धेत सुवर्णपदक तसेच आंतर शालेय स्पर्धेत सुवर्ण पदक प्राप्त केले. राज्य निवड चाचणी स्पर्धेतून राष्ट्रीय स्पर्धेसाठी आपली दावेदारी सिद्ध केली तर १४ वर्षांखालील शालेय महासंघाकडून घेण्यात येणाऱ्या राष्ट्रीय स्पर्धेसाठी पात्र झाल्याबद्दल त्यांचा परभणी जिल्हा हौशी टेबल टेनिस असोसिएशनच्या वतीने रोख पाच हजार रुपयांचा धनादेश, शाल-श्रीफळ देवून सत्कार करण्यात आला. परभणी जिल्हा टेबल टेनिस संघटनेचे कार्याध्यक्ष डॉ माधव शेजुळ, प्रशिक्षक चेतन मुक्तावार यांनी सत्कार केला. या प्रसंगी डॉ महेश बाहेती, माधव टेकाळे, सारिका टेकाळे, पूजा बाहेती आदी उपस्थित होते.

या शानदार कामगिरीबद्दल भारतीय टेबल टेनिस महासंघाचे सरचिटणीस कमलेश मेहता, महाराष्ट्र राज्य टेबल टेनिस संघटना अध्यक्ष प्रवीण लुंकड, राज्य सरचिटणीस यतिन टिपणीस, संजय कडू, ॲड आशितोष पोतनीस, आशिष बोडस, सर्व पदाधिकारी, जिल्हा क्रीडा अधिकारी गीता साखरे, माजी क्रीडा सहसंचालक चंद्रकांत कांबळे, राज्य क्रीडा मार्गदर्शक संजय मुंढे, कल्याण पोले, क्रीडा अधिकारी सुयश नाटकर, रोहन औंढेकर, परभणी जिल्हा अध्यक्ष समशेर वरपुडकर, जिल्हा सचिव आणि राज्य कार्यकारिणी सदस्य गणेश माळवे, संतोष सावंत, परभणी क्लबचे सचिव डॉ विवेक नावंदर, पवन कदम, पियूष रामावत, तुषार जाधव, सूरज भुजबळ, रोहित जोशी, साक्षी देवकाते, भक्ती मुक्तावार या वरिष्ठ खेळाडू, पालकांनी अभिनंदन करुन शुभेच्छा दिल्या.

Leave a Reply

Your email address will not be published. Required fields are marked *