गुरुकुल यलो आर्मीचा ८४ धावांनी दणदणीत विजय 

  • By admin
  • April 5, 2025
  • 0
  • 6 Views
Spread the love

गुरुकुल अकादमी क्रिकेट ः सार्थ सुभेदार, एजी, श्लोक देशमुख, शुभंकर काळे चमकले 

छत्रपती संभाजीनगर ः गुरुकुल क्रिकेट अकादमीतर्फे आयोजित आंतर अकादमी क्रिकेट स्पर्धेत गुरुकुल यलो आर्मी संघाने गुरुकुल जायंट्स संघाचा ८४ धावांनी पराभव केला. एजी याने सामनावीर किताब संपादन केला. 

डीवाय पाटील क्रिकेट मैदानावर ही स्पर्धा होत आहे. गुरुकुल जायंट्स संघाने नाणेफेक जिंकून प्रथम गोलंदाजी करण्याचा निर्णय घेतला. गुरुकुल यलो आर्मी संघाने २५ षटकात सात बाद २३७  असा धावांचा डोंगर उभारुन सामन्यावर वर्चस्व गाजवले. गुरुकुल जायंट्स संघ १७ षटकात पाच बाद १५३ धावा काढू शकला. गुरुकुल यलो आर्मी संघाने तब्बल ८४ धावांनी सामना जिंकला. 

या सामन्यात एजी आणि सार्थ सुभेदार यांनी आक्रमक शतके झळकावली. सार्थ सुभेदार याने अवघ्या ५८ चेंडूत १०१ धावा फटकावत स्पर्धेत सलग दुसरे शतक साजरे केले. सार्थ सुभेदार याने आक्रमक शतक ठोकताना तीन षटकार व तेरा चौकार मारले. एजी याने ४९ चेंडूंचा सामना करताना १०१ धावा फटकावल्या. त्याने सात टोलेजंग षटकार व दहा चौकार मारले. आयुष बुगडे याने ४५ चेंडूंत ७२ धावा फटकावल्या. आक्रमक अर्धशतकी खेळीत त्याने तीन उत्तुंग षटकार व नऊ चौकार मारले. 

गोलंदाजीत श्लोक देशमुख याने ३६ धावांत तीन विकेट घेत आपला ठसा उमटवला. शुभंकर काळे याने ४५ धावांत तीन गडी बाद केले. साद शेख याने २७ धावांत दोन बळी घेतले. 

संक्षिप्त धावफलक ः गुरुकुल यलो आर्मी ः २५ षटकात सात बाद २३७ (सार्थ सुभेदार १०१, एजी १०१, अर्चित देशमुख नाबाद ५, इतर १८, श्लोक देशमुख ३-३६, साद शेख २-२७, आदित्य बागुल २-५२) विजयी विरुद्ध गुरुकुल जायंट्स ः १७ षटकात पाच बाद १५३ (विवेक गुरनानी २३, आयुष बुगडे नाबाद ७२, श्रीराज ३१, आदित्य बागुल नाबाद १५, शुभंकर काळे ३-४५, एजी १-८). सामनावीर ः एजी. 

Leave a Reply

Your email address will not be published. Required fields are marked *