महाराष्ट्र महिला संघाचा सुरत संघावर चार विकेटने विजय

  • By admin
  • April 5, 2025
  • 0
  • 10 Views
Spread the love

वैष्णवी म्हाळसकर सामनावीर

अहमदाबाद ः सुरत क्रिकेट असोसिएशनतर्फे आयोजित करण्यात आलेल्या पश्चिम विभागीय महिला अंडर १७ एकदिवसीय लीग क्रिकेट स्पर्धेत महाराष्ट्र महिला संघाने बडोदा महिला संघावर चार विकेट राखून विजय नोंदवला. महाराष्ट्र संघाचा हा सलग दुसरा विजय आहे. वैष्णवी म्हाळसकर हिने सामनावीर किताब संपादन केला.

अहमदाबाद येथील गुजरात कॉलेज क्रिकेट मैदानावर हा सामना झाला. महाराष्ट्र महिला संघाने नाणेफेक जिंकून प्रथम गोलंदाजी करण्याचा निर्णय घेतला. बडोदा महिला संघाने प्रथम फलंदाजी करताना ४० षटकात सात बाद १६५ धावा काढल्या. महाराष्ट्र महिला संघाने ३९.१ षटकात सहा बाद १६९ धावा फटकावत चार विकेट राखून सामना जिंकला.

या सामन्यात सुहानी कहांडळ हिने ४८ धावांची आक्रमक खेळी केली. सुहानीने दोन षटकार व सात चौकार मारले. आर्या मेहता हिने ४५ धावांची वेगवान खेळी साकारली. तिने नऊ चौकार व एक षटकार मारला. मयुरी थोरात हिने चार चौकारांसह ४३ धावांचे योगदान दिले. गोलंदाजीत वैष्णवी म्हाळसकर हिने १७ धावांत तीन विकेट घेऊन आपला ठसा उमटवला. रोशनी पारधी हिने ३३ धावांत दोन गडी बाद केले. विधी परमार हिने २२ धावांत एक बळी घेतला.

संक्षिप्त धावफलक ः बडोदा महिला संघ ः ४० षटकात सात बाद १६५ (मेसवी पोकर १९, तन्वी सोळंकी २१, नायशा तिवारी ७, मैत्री मणियार १४, अक्षरा तिवारी ८, विधी परमार नाबाद २९, आर्या मेहता नाबाद ४५, इतर २२, वैष्णवी म्हाळसकर ३-१७, रोशनी पारधी २-३३, गायत्री सुरवसे १-२७, ईश्वरी अवसरे १-३९) पराभूत विरुद्ध महाराष्ट्र महिला संघ ः ३९.१ षटकात सहा बाद १६९ (सुहानी कहांडळ ४८, भाविका अहिरे १९, सह्याद्री कदम २६, मयुरी थोरात ४३, आमनी नंदाल १४, रोशनी पारधी नाबाद ९, निकिता सिंग नाबाद ९, अक्षरा तिवारी १-२०, मैत्री मणियार १-२२, आर्या मेहता १-४३, विधी परमार १-२२). सामनावीर ः वैष्णवी म्हाळसकर.

Leave a Reply

Your email address will not be published. Required fields are marked *