पुण्यात राष्ट्रीय ऑक्सफर्ड गोल्फ प्रीमियर लीगचे शानदार उद्घाटन
पुणे ः गोल्फ खेळ हा अतिशय दर्जेदार आहे. गोल्फ हा खेळ देशातील सर्व घटकापर्यंत पोहचला पाहिजे, असे मत गोल्फ इंडस्ट्री असोसिएशनचे राष्ट्रीय अध्यक्ष आणि ऑक्सफर्ड ग्रुपचे संस्थापक अनिरुद्ध सेवलेकर यांनी व्यक्त केले.
पुण्यात होणाऱ्या गोल्फच्या राष्ट्रीय ऑक्सफर्ड प्रीमियर लीगचे उद्घाटन अनिरुद्ध सेवलेकर यांच्या हस्ते करणयात आले. या प्रसंगी ते बोलत होते. ऑक्सफर्ड लीग ही गोल्फ खेळाची देशातील सर्वात महत्त्वपूर्ण आणि नावाजलेली अशी स्पर्धा समजली जाते. ही स्पर्धा १३ एप्रिलपर्यंत रंगणार आहे. या स्पर्धेत एकूण १६ संघ आणि १८० ते २५० खेळाडू या स्पर्धेत सहभागी झाले आहेत. या स्पर्धेचा पारितोषिक वितरण समारंभ १३ एप्रिल रोजी पुण्यातील प्रसिद्ध अशा ऑक्सफर्ड गोल्फ रिसॉर्ट आणि क्लब येथे पार पडणार आहे.
अनिरुद्ध सेवलेकर पुढे ते म्हणाले की, अतिशय नावाजलेल्या तिसऱ्या आंतरराष्ट्रीय ऑक्सफर्ड प्रीमिअर लीगला प्रचंड प्रतिसाद मिळाला आहे. आज देशभरातील विविध संघ सहभागी झाले आहेत. त्यामुळे ऑक्सफोर्ड गोल्फ लीग मध्ये पुणेकरांना अतिशय चुरशीचे गोल्फ सामने बघायला मिळतील असा विश्वास त्यांनी व्यक्त केला आणि उपस्थित सर्व सहभागी खेळाडूंना शुभेच्छा दिल्या. राष्ट्रीय ऑक्सफर्ड लीगच्या सामन्यांसाठी नोंदणीला अनेक गोल्फ खेळाडू आणि संघानी मोठ्या प्रमाणात प्रतिसाद दिला आहे.
या प्रीमियर लीगचे उद्घाटन गोल्फ इंडस्ट्री असोसिएशनचे अध्यक्ष व ऑक्सफर्ड गोल्फ कोर्सचे संस्थापक अनिरुद्ध सेवलेकर यांच्या हस्ते पार पडले. यावेळी ऑक्सफर्ड गोल्फ रिसॉर्टचे रोहन सेवलेकर, एस गोल्फिंगचे आदित्य मालपणी, ऑक्सफर्ड रिसॉर्टचे व्यवस्थापक कौशिल वोरा व सर्व संघाचे खेळाडू उपस्थित होते.
या लीगमध्ये तब्बल बारापेक्षा जास्त संघ सहभागी झाले आहेत.आजपर्यंत ईगल फोर्सेस, बिनधास्त बॉईज, सुलतान स्विंग्स, ब्लिस्टरिंग बर्ड्स ,झिंगर्स, ग्रीन गॅडिटर्स, सुझलोन ग्रीन्स, रोरिंग टायगर्स, पुना लायन्स, सुब्बन सनरायजर्स, द लीगशी क्लब, बर्डी स्कॉड यासारखे मातब्बर संघ सहभागी झाले आहेत. त्यामुळे यावर्षीच्या ऑक्सफर्ड गोल्फ लीग स्पर्धा अतिशय चुरशीची आणि रंगतदार होणार असल्याचे आयोजक रोहन सेवलेकर यांनी सांगितले. पुढील सात दिवस या स्पर्धा सुरू राहणार आहे. त्यामुळे या स्पर्धेचा आनंद सर्वांनी घेण्याचे आवाहन आयोजक रोहन सेवलेकर यांनी केले.
