श्रीनिवास लेहेकर, श्रीवत्स कुलकर्णी, जैद पटेलची प्रभावी कामगिरी
छत्रपती संभाजीनगर ः महाराष्ट्र क्रिकेट संघटनेतर्फे आयोजित करण्यात आलेल्या एमसीए अंडर १९ दोन दिवसीय क्रिकेट लीग स्पर्धेत छत्रपती संभाजीनगर संघाने झोरास्ट्रियन संघावर एक डाव आणि १६१ धावांनी मोठा विजय नोंदवला. या सामन्यात श्रीनिवास लेहेकर याने सामनावीर पुरस्कार संपादन केला.
पाटील क्रिकेट स्टेडियमवर हा सामना झाला. छत्रपती संभाजीनगर संघाने नाणेफेक जिंकून प्रथम गोलंदाजी करण्याचा निर्णय घेतला. झोरास्ट्रियन संघाचा पहिला डाव ३१.२ षटकात अवघ्या ८३ धावांत गडगडला. त्यानंतर फलंदाजी करताना छत्रपती संभाजीनगर संघाने ७४.१ षटकात सर्वबाद ३२४ धावंसख्या उभारुन सामन्यावर भक्कम पकड बसवली. झोरास्ट्रियन संघाचा दुसरा डाव २६.३ षटकात ८० धावांत गुंडाळून छत्रपती संभाजीनगर संघाने एक डाव आणि १६१ धावांनी सामना जिंकला.
या सामन्यात श्रीवत्स कुलकर्णी याने ८२ चेंडूत ८४ धावांची धमाकेदार अर्धशतकी खेळी केली. त्याने दोन उत्तुंग षटकार व १५ चौकार मारले. वीर राठोड याने १३५ चेंडूंचा सामना करत ४९ धावांची चिवट खेळी केली. त्याने सात चौकार मारले. जय हारदे याने ४५ चेंडूत ४४ धावांची वेगवान खेळी केली. जय याने चार टोलेजंग षटकार व दोन चौकार मारले. गोलंदाजीत श्रीनिवास लेहेकर याने २१ धावांत पाच विकेट घेऊन सामना गाजवला. पार्थ गणबावले याने ५४ धावांत चार गडी बाद केले. जैद पटेल याने २५ धावांत चार बळी टिपले.
संक्षिप्त धावफलक ः झोरास्ट्रियन ः पहिला डाव ः ३१.२ षटकात सर्वबाद ८३ (पार्थ गणबावले १३, राहुल पाटील ९, पार्थ पवार ३०, प्रथमेश खोत १९, श्रीवत्स कुलकर्णी ३-२१, श्रीनिवास लेहेकर ३-३, सुमित सोळुंके २-२३, जय हारदे २-२९).
छत्रपती संभाजीनगर ः पहिला डाव ः ७४.१ षटकात सर्वबाद ३२४ (रुद्राक्ष बोडके १९, जय हारदे ४४, वीर राठोड ४९, राम राठोड ३४, राघव नाईक १४, अविनाश मोटे ५, श्रीवत्स कुलकर्णी ८४, श्रीनिवास लेहेकर २५, सुमित सोळुंके १५, इतर ३४, पार्थ गणबावले ४-५४, पार्थ पवार २-३३, ओमकार कदम २-८३).
झोरास्ट्रियन ः दुसरा डाव ः २६.३ षटकात सर्वबाद ८० (ओमकार कदम १३, पार्थ गणबावले १४, प्रेमराज जगदाळे २३, राहुल पाटील ११, पृथ्वीराज जाधव ९, श्रीनिवास लेहेकर ५-२१, जैद पटेल ४-२५, श्रीवत्स कुलकर्णी १-२२). सामनावीर ः श्रीनिवास लेहेकर.
