राष्ट्रीय शालेय साॅफ्टबाॅल स्पर्धेत भेडशी हायस्कूलच्या भूमी सावंतची शानदार कामगिरी

सिंधुदुर्ग ः क्रीडा व युवक सेवा संचालनालय महाराष्ट्र राज्य व जिल्हा क्रीडा कार्यालय जळगाव आयोजित ६८ व्या शालेय राष्ट्रीय साॅफ्टबाॅल स्पर्धेत महाराष्ट्र राज्याच्या १७ वर्षाखालील मुलीच्या संघाने सुवर्ण पदक पटकावले.

न्यू इंग्लिश स्कूल व ज्युनियर काॅलेज भेडशी ता दोडामार्ग, जि सिंधुदुर्ग प्रशालेची विद्यार्थीनी भूमी हनुमंत सावंत हिने महाराष्ट्र राज्याच्या संघातून खेळताना नेत्रदिपक कामगिरी केली. दोडामार्ग तालुक्यासारख्या ग्रामीण भागातील मुलीने मिळविलेले यश हे खरच कौतुकास्पद आहे.

नवभारत शिक्षण प्रसारक मंडळाच्या अध्यक्षा कल्पना ताई तोरसकर, कार्याध्यक्ष डॉ मिलिंद तोरसकर, सचिव संतोष सावंत, खजिनदार वैभव नाईक, समन्वय समिती सचिव रश्मीताई तोरसकर, सहसचिव आणि न्यू इंग्लिश स्कूल व ज्युनियर काॅलेज भेडशीचे प्राचार्य नंदकुमार नाईक, संस्था कार्यकारणी सदस्य, समन्वय समिती व शालेय समिती सदस्य, प्रशालेतील शिक्षक, शिक्षकेत्तर कर्मचारी, पालक, विद्यार्थी यांनी भूमी सावंत हिचे अभिनंदन केले. भूमी सावंत हिला राष्ट्रीय प्रशिक्षक सोमनाथ गोंधळी व प्रशालेचे क्रीडा शिक्षक एच आर सावंत यांचे मार्गदर्शन लाभले आहे.