रेल्वेची ७८वी स्कॉट मेमोरियल प्रिसिजन क्रिकेट स्पर्धा : मुंबईच्या परेल वर्कशॉप संघाची आगेकूच
सोलापूर ः मध्य रेल्वे सोलापूर इन्स्टिट्यूटच्या ७८व्या स्कॉट मेमोरियल प्रिसिजन क्रिकेट स्पर्धेत पंढरपूरच्या वीर सावरकर संघाने जालनाच्या बॉस फायटर संघाचा ४६ धावांनी पराभव केला.
येथील रेल्वे मैदानावरील डॉ. बाबासाहेब आंबेडकर क्रीडा संकुलात सुरू असलेल्या या स्पर्धेतील दुसऱ्या सामन्यात परेल वर्कशॉप संघाने ग्लोबल क्रिकेट क्लबवर नऊ गडी राखून दणदणीत विजय मिळवला.
अथर्व देशमाने व निशांत शिवलकर हे सामन्याचे मानकरी ठरले. हे पुरस्कार अतुल बांडीवाडीकर व लियाकत शेख यांच्या हस्ते देण्यात आले. प्रत्येक सामनावीर पुरस्कार सुदेश मालप व सुनील मालप यांच्याकडून देण्यात येत आहेत. पंच म्हणून दयानंद नवले व मजहर मंगोली आणि चिराग शाह व मंजुनाथ बिराजदार यांनी तर गुणलेखक म्हणून गेनबा सुरवसे यांनी काम पाहिले.
संक्षिप्त धावफलक
१) वीर सावरकर पंढरपूर : १७ षटकात ९ बाद ८९ (ओंकार रोकडे १३, मारुती कांबळे १२, गौरव गायकवाड १२, अखिल पटेल व तोसिफ पठाण ३ बळी, कौशल विरपणकर २ बळी) विजयी विरुद्ध बॉस फायटर जालना : १२.४ षटकात सर्वबाद ४३ (सुरज खंडेलवाल २१, अथर्व देशमाने व वैभव बडवे ३ बळी, सागर खिलारे, ओंकार रोकडे व दिनेश शिंगाडे प्रत्येकी १ बळी).
२) ग्लोबल क्रिकेट क्लब : १७ षटकात ७ बाद १०९ (सागर माळी ३६, श्रीकांत भोसले २२, रिशब शर्मा व रुपेश अंबोकर २ बळी, विवेक गायकवाड १ बळी) पराभूत विरुद्ध परेल वर्कशॉप : १२.२ षटकात १ बाद ११३ (निशांत शिवलकर नाबाद ५४, आमिर शेख ४६, मल्लिकार्जुन आवटे १ बळी).
