जळगाव ः रावेर येथील व्ही एस नाईक महाविद्यालयातील तीन महिला खेळाडू आणि दोन पुरुष खेळाडूंची अखिल भारतीय विद्यापीठ फ्लोअरबॉल स्पर्धेसाठी कवयित्री बहिणाबाई उत्तर महाराष्ट विद्यापिठ संघात निवड करण्यात आली आहे.
जेजेटीयू विद्यापीठ झुनझुनु राजस्थान येथे होणाऱ्या २६ ते २९ एप्रिल या कालावधीत ही स्पर्धा होणार आहे. विद्यापीठ संघात रावेर येथील व्ही एस नाईक महाविद्यालयाच्या हर्षा पवार, रुतिका इंगळे, मानसी पाटील, संदीप महाजन, यश पगारे अशा पाच खेळाडूंची निवड झाली आहे.
या निवडीबाबत महाविद्यालयाचे अध्यक्ष हेमंतशेठ नाईक, संस्थेचे सदस्य डॉ प्रतीक नाईक, महाविद्यालयाचे प्राचार्य डॉ अनिल पाटील, महाविद्यालयाचे उपप्राचार्य प्रा एस यु पाटील, प्रा संदीप धापसे, प्रा सत्यशील धनले, डॉ बाळासाहेब मुख्यदल, क्रीडा समितीचे सदस्य प्रा चतुर गाडे, प्रा नरेद्र घुले यांनी अभिनंदन केले आहे. या खेळाडूंना क्रीडा संचालक डॉ उमेश पाटील यांचे मार्गदर्शन लाभले आहे.
