छत्रपती संभाजीनगर ः पटना (बिहार) येथे आयोजित खेलो इंडिया युथ गेम्स स्पर्धेसाठी महाराष्ट्र ज्युदो संघात छत्रपती संभाजीनगर शहरातील बजाजनगर येथील खेळाडू श्रुतकिर्ती खलाटे हिची निवड करण्यात आली आहे.
भारत सरकारने बिहार येथे आयोजित केलेल्या खेलो इंडिया युथ गेम्स या राष्ट्रीय ज्युदो स्पर्धेसाठी छत्रपती संभाजीनगर जिल्हा ज्युदो संघटनेच्या वाळूज एमआयडीसी एरिया या कामगार वस्तीतील बजाजनगर व्यायाम व क्रीडा प्रसारक मंडळाच्या , श्रीमती परमेश्वरी देवानी ज्युदो प्रशिक्षण केंद्रातील राष्ट्रीय ज्युदो खेळाडू श्रुतकिर्ती मिनिनाथ खलाटे (ऑर्किड टेक्नो स्कूल) हिची निवड झाली आहे.
या निवडीबद्दल बजाजनगर ज्युदो क्लबच्या वतीने श्रुतकिर्ती खलाटे हिचा सत्कार करून अभिनंदन करण्यात आले. श्रुतकिर्ती हिने या अगोदर ६ राष्ट्रीय स्पर्धेत सहभागी होऊन १ सुवर्ण, २ कांस्य अशी तीन पदकांची कमाई केली आहे. खेलो इंडिया या राष्ट्रीय ज्युदो स्पर्धेत पदक मिळवण्यासाठी बजाजनगर ज्युदो क्लबला श्रुतकिर्ती कसून सराव करत आहे. श्रुतकिर्ती हिला मुख्य प्रशिक्षक भीमराज रहाणे, अशोक जंगमे यांचे प्रशिक्षण लाभत आहे.
राज्य संघटनेचे तांत्रिक समिती सचिव दत्ता आफळे, शैलेश टिळक, सतीश पहाडे, योगेश धाडवे, जिल्हा क्रीडा अधिकारी बाजीराव देसाई, रामकिशन मायंदे, लता लोंढे, जिल्हा संघटनेचे अध्यक्ष अजित मुळे, सचिव अतुल बामणोदकर, विश्वजीत भावे, विश्वास जोशी, डॉ गणेश शेटकर, प्रसन्न पटवर्धन, भास्कर जाधव, भीमाशंकर नावंदे, झिया अन्सारी, विजय साठे, अमित साकला, संजय परळीकर, कुणाल गायकवाड, सुनील सिरस्वाल, मनिंदर बिलवाल, दत्तू पवार, बजाजनगर व्यायाम व क्रीडा प्रसारक मंडळाचे अध्यक्ष नंदमूरी श्रीनिवास, मनोहर देवानी, अनिल पवार, नामदेव दौड, अभिजीत दळवी, भीमराज रहाणे, अशोक जंगमे, सुधीर काटकर, विकास देसाई, शैलेश कावळे, सागर घुगे, राज जंगमे, उषा अंभोरे, ऋतुजा सौदागर, सायली राऊत, सुप्रिया जंगमे, ऋतुजा पाटील शाळेचे मुख्याध्यापक अंजुम शेख, रेणुका काकडे यांनी श्रुतकिर्तीचे अभिनंदन केले व शुभेच्छा दिल्या.
