नेपाळ, थायलंड संघांना सुवर्णसंधी
नवी दिल्ली ः महिला टी २० विश्वचषक २०२६ स्पर्धा ही इंग्लंडमध्ये होणार आहे आणि पुढील वर्षी या महत्त्वाच्या स्पर्धेत एकूण १२ संघ सहभागी होणार आहेत, त्यापैकी ८ संघ पात्र ठरले आहेत. गेल्या वेळी न्यूझीलंडच्या महिला संघाने २०२४ मध्ये टी २० विश्वचषक जिंकला होता. तर भारतीय महिला संघ उपांत्य फेरीत देखील पोहोचू शकला नव्हता.
आतापर्यंत ८ संघ पात्र
यजमान म्हणून इंग्लंड महिला क्रिकेट संघ २०२६ च्या महिला टी २० विश्वचषकासाठी पात्र ठरला आहे. तर गेल्या स्पर्धेत ऑस्ट्रेलिया, भारत, न्यूझीलंड, दक्षिण आफ्रिका आणि वेस्ट इंडिज या संघांचा टॉप ५ मध्ये समावेश होता. त्यामुळे हे संघ थेट पात्र ठरले. तर पाकिस्तान आणि श्रीलंका यांनी आयसीसी महिला टी २० क्रमवारीत स्थान मिळवले आहे. आतापर्यंत, ऑस्ट्रेलिया, भारत, न्यूझीलंड, दक्षिण आफ्रिका, वेस्ट इंडिज, पाकिस्तान, श्रीलंका आणि इंग्लंड या संघांनी २०२६ च्या महिला टी २० विश्वचषकासाठी पात्रता मिळवली आहे.
चार संघ पात्रता फेरीतून आपले स्थान निश्चित करतील
८ संघ आधीच पात्र ठरले आहेत. तर चार संघ २०२६ च्या महिला टी२० विश्वचषक पात्रता फेरीतून पोहोचतील. आता विशेष म्हणजे या पात्रता फेरीत खेळण्यासाठी संघांना पात्रता फेरी देखील खेळावी लागेल. अमेरिका क्वालिफायर, आशिया क्वालिफायर आणि पूर्व आशिया पॅसिफिक क्वालिफायर खेळवले जातील. आशिया पात्रता फेरीद्वारे नेपाळ आणि थायलंड संघांनी महिला टी २० विश्वचषक पात्रता २०२६ साठी पात्रता मिळवली आहे. पात्रता फेरीत, नेपाळ आणि थायलंडने पॉइंट्स टेबलच्या टॉप-२ मध्ये स्थान निश्चित केले होते.
नेपाळ आणि थायलंडलाही मुख्य स्पर्धेत खेळण्याची संधी
थायलंडने ५ सामने खेळले आहेत, त्यापैकी तीन जिंकले आहेत आणि दोन गमावले आहेत. त्याचा नेट रन रेट ३.७४८ आहे आणि त्याचे ८ गुण आहेत. नेपाळ क्रिकेट संघाने एकूण ५ सामने खेळले आहेत, त्यापैकी ३ सामने जिंकले आहेत. त्याचा ७ गुणांसह ०.४३९ इतका नेट रन रेट आहे. आता नेपाळ आणि थायलंड संघांमधील सामना २० मे रोजी खेळला जाईल, जो फक्त एक औपचारिकता आहे, कारण दोन्ही संघ मुख्य पात्रता फेरीत पोहोचले आहेत आणि तेथे चांगली कामगिरी करून २०२६ च्या महिला टी २० विश्वचषकासाठी पात्र ठरू शकतात.
