टी २० सामन्यात असा पराक्रम करणारा जगातील पहिला फलंदाज
लखनौ ः कसोटीतून निवृत्त झाल्यानंतर विराट कोहली याने आयपीएल स्पर्धेत सनरायझर्स हैदराबाद संघाविरुद्ध एक नवा इतिहास रचला आहे. अशी कामगिरी करणारा कोहली हा जगातील पहिला फलंदाज बनला आहे.
आयपीएलचा ६५ वा सामना एकाना क्रिकेट स्टेडियमवर रॉयल चॅलेंजर्स बंगळुरू आणि सनरायझर्स हैदराबाद यांच्यात खेळवण्यात आला. धावांचा पाऊस पडलेल्या या सामन्यात आरसीबी संघाला ४२ धावांनी पराभव पत्करावा लागला.
सामन्यादरम्यान, आरसीबी संघाला निश्चित पराभवाचा सामना करावा लागला. पण लक्ष्याचा पाठलाग करताना पुन्हा एकदा अनुभवी फलंदाज विराट कोहलीच्या बॅटने शानदार कामगिरी केली. त्याच्या संघासाठी डावाची सुरुवात करताना त्याने एकूण २५ चेंडूंचा सामना केला. दरम्यान, त्याने १७२.०० च्या स्ट्राईक रेटने ४३ धावा केल्या. या काळात त्याच्या बॅटमधून सात चौकार आणि एक उत्कृष्ट षटकार लागला.
विराटच्या नावावर एक मोठा विक्रम
गेल्या सामन्यात शानदार फलंदाजी करून विराट कोहलीने मोठी कामगिरी केली. टी २० स्वरूपात संघाचे प्रतिनिधित्व करताना ८०० चौकार मारणारा तो जगातील पहिला फलंदाज ठरला आहे. कोहलीने आता आठशे प्लस चौकार ठोकले आहेत.
कोहलीनंतर दुसऱ्या क्रमांकावर इंग्लिश फलंदाज जेम्स विन्सचे नाव येते. ज्याने हॅम्पशायरचे प्रतिनिधित्व करताना टी २० क्रिकेटमध्ये ६९४ चौकार मारले आहेत.
अ‍ॅलेक्स हेल्स तिसऱ्या स्थानावर आहे. हेल्सने नॉटिंगहॅमशायरकडून आतापर्यंत ५६३ चौकार मारले आहेत. चौथा खेळाडू म्हणजे टीम इंडियाचा दिग्गज फलंदाज रोहित शर्मा. ‘हिटमॅन’ शर्माने मुंबई इंडियन्सचे प्रतिनिधित्व करताना ५५० चौकार मारले आहेत. टॉप-५ मध्ये शेवटचे नाव ल्यूक राईट आहे. ज्याने ससेक्सकडून खेळताना आतापर्यंत ५२९ चौकार मारले आहेत.
सर्वाधिक चौकार मारणारे फलंदाज (टी २०)
८०० – विराट कोहली (आरसीबी)
६९४ – जेम्स व्हिन्स (हॅम्पशायर)
५६३ – अ‍ॅलेक्स हेल्स (नॉटिंगहॅमशायर)
५५० – रोहित शर्मा (मुंबई)
५२९ – ल्यूक राईट (ससेक्स)
