पॅरिस ः रोहन बोपण्णा आणि अॅडम पावलासेक जोडीचा प्रवास वर्षातील दुसऱ्या ग्रँड स्लॅम फ्रेंच ओपनच्या प्री-क्वार्टरफायनलमध्ये संपला आहे. भारताच्या बोपण्णा आणि त्याचा साथीदार पावलासेक याने दुसऱ्या मानांकित हॅरी हेलिओवारा आणि हेन्री पॅटन या जोडीला चांगली झुंज दिली, परंतु त्यांना सामना जिंकता आला नाही. भारत आणि चेक प्रजासत्ताकच्या खेळाडूंच्या बिगरमानांकित जोडीला प्री-क्वार्टरफायनलमध्ये फिनलंड आणि ब्रिटनच्या खेळाडूंच्या जोडीने ६-२, ७-६ असा पराभव पत्करला.
हेलिओवारा आणि पॅटनची जोडी पहिल्या सेटमध्ये दोनदा सर्व्हिस ब्रेक करून ५-१ अशी आघाडी घेण्यात यशस्वी झाली. त्यानंतर बोपण्णा आणि पावलासेक त्यांच्या सर्व्हिसचा फायदा उठवण्यात यशस्वी झाले परंतु प्रतिस्पर्धी खेळाडूची सर्व्हिस ब्रेक करण्यात त्यांना अपयश आले. दुसऱ्या सेटमध्ये बोपण्णाने चांगली सुरुवात केली आणि त्याच्या सर्व्हिसवर एकही गुण न गमावता पहिला गेम जिंकला.
दुसऱ्या सेटमध्ये बोपण्ण आणि पावलासेक यांच्या जोडीला आघाडी वाढवण्याची संधी होती जेव्हा ते ३-२ ने पुढे होते. पॅटनने सहाव्या गेमची सुरुवात डबल फॉल्टने केली आणि नंतर आणखी एक गुण गमावून ०-३० ने मागे पडला परंतु ब्रिटनने सलग चार गुण घेत धोका टाळला. सामन्याच्या दुसऱ्या सेटमध्ये सर्व्हिस ब्रेक झाला नाही, ज्यामुळे सामना टायब्रेकरमध्ये ओढला गेला. हेलिओवाराच्या शानदार सर्व्हिस रिटर्नमुळे दुसऱ्या सीडेड जोडीला विजय मिळाला.
युकी भांब्री देखील त्याचा अमेरिकन जोडीदार रॉबर्ट गॅलोवेसह तिसऱया फेरीचा सामना खेळणार आहे. त्यांचा सामना नवव्या सीडेड अमेरिकन ख्रिश्चन हॅरिसन आणि इव्हान किंगशी होईल. भारताचा मानस धामणे ज्युनियर चॅम्पियनशिपमध्ये निराश झाला. अमेरिकन क्वालिफायर रोनित कार्कीकडून ५-७, ३-६ असा पराभव झाल्यानंतर तो बाहेर पडला. १७ वर्षीय धामणेने देखील क्वालिफायर म्हणून मुख्य ड्रॉमध्ये प्रवेश केला होता. तो मुख्य ड्रॉमध्ये त्याच्या क्षमतेनुसार खेळू शकला नाही.
