चिखली : नेपाळ येथे झालेल्या वर्ल्ड एशियन मिंक्स बॉक्सिंग चॅम्पियनशिप स्पर्धेत बेस्ट ऑफिशियल म्हणून गणेश पेरे यांचा सन्मान करण्यात आला.
या स्पर्धेत एकूण सहा देशांचे खेळाडू सहभागी झाले होते. या स्पर्धेकरीता एकूण ९ ऑफिशियल, १२ रेफ्री होते. त्यामध्ये भारतातून मिक्स बॉक्सिंग असोसिएशनचे बुलडाणा सचिव गणेश पेरे यांची ऑफिशियल म्हणून निवड झाली होती व त्यांनी नेपालमध्ये उत्तमरित्या जबाबदारी पार पाडली. त्यामुळे एशियन मिक्स बॉक्सिंग असोसिएशन नेपाळ काठमांडू व गव्हमेंट ऑफ नेपाल महानगरपालिका व ऑर्गनाइजर सुमन लाम्बा आणि वर्ल्ड मिक्स बॉक्सिंग ग्रँडमास्टर राकेश म्हसकर यांच्या प्रमुख उपस्थितीत गणेश पेरे यांचा विशेष सन्मान करण्यात आला.
