नवी दिल्ली ः न्यूझीलंडच्या महिला क्रिकेटपटू सोफी डेव्हाईनने एकदिवसीय क्रिकेटमधून निवृत्तीची घोषणा केली आहे. भारतातर्फे आयोजित होणाऱ्या २०२५ च्या महिला एकदिवसीय विश्वचषक स्पर्धेनंतर ती या फॉरमॅटला अलविदा करणार आहे.
सोफी डिव्हाईन हिने हे देखील स्पष्ट केले आहे की ती टी २० मध्ये खेळत राहील. न्यूझीलंड बोर्ड एक-दोन दिवसांत महिला संघाचा केंद्रीय करार जाहीर करणार होते, त्याआधीच डेव्हाईनने एकदिवसीय क्रिकेटमधून निवृत्ती घेतली. अशा परिस्थितीत, एक गोष्ट स्पष्ट आहे की तिचे नाव आता केंद्रीय करारात राहणार नाही. आता तिच्याकडे फक्त टी २० फॉरमॅटसाठीच करार असेल.
वन-डेतील सोफी डेव्हाईनची आकडेवारी
सोफी डेव्हाईनची गणना जगातील सर्वोत्तम अष्टपैलू खेळाडूंमध्ये केली जाते. तिने २००६ मध्ये वयाच्या अवघ्या १७ व्या वर्षी एकदिवसीय क्रिकेटमध्ये पदार्पण केले. न्यूझीलंडसाठी सर्वाधिक एकदिवसीय सामने खेळणाऱ्या खेळाडूंच्या यादीत सुझी बेट्सनंतर डेव्हाईन (१५२ सामने) दुसऱ्या क्रमांकावर आहे. एकदिवसीय सामन्यांमध्ये देशासाठी सर्वाधिक धावा काढण्याच्या बाबतीत ती चौथ्या क्रमांकावर आहे.
आगामी एकदिवसीय विश्वचषकात, सोफी डेव्हिनला सर्वाधिक धावा करणाऱ्या खेळाडूंच्या यादीत तिसऱ्या क्रमांकावर पोहोचण्याची संधी असेल. तिसऱ्या क्रमांकावर पोहोचण्यासाठी आणि डेबी हॉकलीला मागे टाकण्यासाठी तिला ५४ धावांची आवश्यकता आहे. तिने आतापर्यंत एकदिवसीय सामन्यांमध्ये ३९९० धावा केल्या आहेत. डेव्हिन ही न्यूझीलंडसाठी एकदिवसीय सामन्यांमध्ये सर्वाधिक शतके करणारी दुसरी महिला फलंदाज आहे, तिच्या नावावर ८ शतके आहेत. त्याच वेळी, सुझी बेट्स १३ शतकांसह पहिल्या क्रमांकावर आहे.
गोलंदाजीमध्ये सोफीचा विक्रम देखील उत्कृष्ट आहे
गोलंदाजीत तिने आतापर्यंत १५२ एकदिवसीय सामन्यांमध्ये १०७ बळी घेतले आहेत. सर्वाधिक बळी घेण्याच्या बाबतीत ती ली ताहुहू नंतर दुसऱ्या क्रमांकावर आहे. आतापर्यंत, फक्त या दोन गोलंदाजांनी न्यूझीलंडसाठी एकदिवसीय सामन्यांमध्ये १०० किंवा त्याहून अधिक बळी घेतले आहेत. आता आगामी विश्वचषकात सोफी डेव्हिन कशी कामगिरी करते आणि तिच्या नेतृत्वाखाली संघ कसा कामगिरी करतो हे पाहणे बाकी आहे.
