हेडिंग्ले ः भारताचा सलामीेवीर केएल राहुल याने पहिल्या कसोटीत दुसऱ्या डावात दमदार शतक (१३७) ठोकले. राहुल हा इंग्लंडमध्ये सर्वाधिक कसोटी शतके करणारा भारतीय सलामीवीर ठरला, २०२३ नंतर त्याने पहिले शतक ठोकले आहे.
राहुलने दक्षिण आफ्रिका, इंग्लंड, न्यूझीलंड आणि ऑस्ट्रेलिया यासारख्या देशांमध्ये सलामीवीर म्हणून पाचवे शतक ठोकले आहे. या बाबतीत त्याच्या पुढे फक्त महान फलंदाज सुनील गावसकर हे आहेत. सुनील गावसकर यांनी आफ्रिका, इंग्लंड, न्यूझीलंड, ऑस्ट्रेलिया या देशांमध्ये सलामीवीर म्हणून आठ शतके ठोकली आहेत.
भारतीय संघाचा सलामीवीर केएल राहुलने इंग्लंडविरुद्धच्या पहिल्या कसोटी सामन्याच्या दुसऱ्या डावात शतक ठोकले आहे. राहुलने २०२३ मध्ये कसोटीत शेवटचे शतक ठोकले होते आणि आता त्याने शतकांचा दुष्काळ संपवला आहे. राहुलने २०२ चेंडूत त्याच्या कसोटी कारकिर्दीतील नववे शतक पूर्ण केले. यादरम्यान, राहुलने ऋषभ पंतसोबत भागीदारी केली आणि त्यामुळे भारताची आघाडी भक्कम झाली.
दिग्गजांना मागे टाकले
लीड्समध्ये इंग्लंडविरुद्ध खेळल्या जाणाऱ्या पहिल्या कसोटी सामन्याच्या पहिल्या डावात राहुलने ४२ धावा केल्या, परंतु दुसऱ्या डावात तो लयीत दिसत होता आणि शतक ठोकण्यात यशस्वी झाला. इंग्लंडविरुद्ध राहुलचे हे चौथे शतक आहे, पण सलामीवीर म्हणून इंग्लंडमध्ये हे त्याचे तिसरे शतक आहे. यासह राहुलने सुनील गावस्कर, राहुल द्रविड, विजय मर्चंट आणि रवी शास्त्री यांसारख्या दिग्गजांना मागे टाकले आहे आणि इंग्लंडमध्ये सर्वाधिक कसोटी शतके करणारा फलंदाज बनला आहे.
राहुलचे पाचवे शतक
राहुलने दक्षिण आफ्रिका, इंग्लंड, न्यूझीलंड आणि ऑस्ट्रेलिया यासारख्या देशांमध्ये सलामीवीर म्हणून आपले पाचवे शतक झळकावले आहे. या बाबतीत, फक्त सुनील गावसकर हे त्याच्या पुढे आहेत, त्यांनी या देशांमध्ये सलामीवीर म्हणून आठ शतके झळकावली आहेत. रोहित शर्माने कसोटीतून निवृत्ती घेतल्यानंतर राहुलला सलामीला पाठवण्यात आले आहे आणि त्याने इंग्लंड दौऱ्याची सकारात्मक सुरुवात केली आहे. राहुलने २०१८ मध्ये इंग्लंडमध्ये ओव्हल येथे २०२१ मध्ये लॉर्ड्स येथे आणि आता २०२५ मध्ये लीड्स येथे शतक झळकावले.
इतकेच नाही तर राहुल २०१८ पासून सेना देशांमध्ये सर्वाधिक धावा करणारा दौऱ्याचा संघाचा सलामीवीर आहे. राहुलने २०१८ पासून या देशांमध्ये १२९४ धावा केल्या आहेत. दुसऱ्या स्थानावर श्रीलंकेचा दिमुथ करुणारत्ने आहे ज्याने २०१८ पासून सेना देशांमध्ये सलामीवीर म्हणून ७५१ धावा केल्या आहेत. रोहित शर्मा ६९१ धावांसह तिसऱ्या स्थानावर आहे.
