छत्रपती संभाजीनगर ः कांचनवाडी येथील छत्रपती शाहू महाराज शिक्षण संस्थेचे कॉलेज ऑफ पॉलिटेक्निकचा शैक्षणिक वर्ष २०२४-२५ साठी इलेक्ट्रिकल इंजिनीअरिंग व आर्टीफिसिअल इंटेलिजन्स अँड मशीन लर्निंग या अभ्यासक्रमांना महाराष्ट्र राज्य तंत्रशिक्षण मंडळ मुंबईकडून उत्कृष्ट दर्जा देऊन गौरव करण्यात आला.
यापूर्वी सिव्हिल, कॉम्पुटर, इलेक्ट्रॉनिक्स अँड टेलीकॉम, मेकॅनिकल इंजिनीअरिंग या अभ्यासक्रमांना उत्कृष्ट दर्जा देऊन गौरविण्यात आलेले आहे. तसेच कॉलेज ऑफ पॉलिटेक्निकमधील सिव्हिल, इलेक्ट्रॉनिक्स अँड टेलीकॉम आणि मेकॅनिकल इंजिनीअरिंग या अभ्यासक्रमांना राष्ट्रीय स्तरावरील एनबीएचे मानांकन प्राप्त झाले आहे.
विद्यार्थ्यांना गुणवत्तापूर्ण शिक्षण, सर्व शंकाचे समाधान, निकालाची उज्ज्वल परंपरा, नियमित नामांकित उद्योगांना भेटी, तज्ञ पाहुण्यांचे व्याखाने, सेमीनार यांचे नियमित आयोजन, त्याचप्रमाणे विद्यार्थ्यांच्या सर्वांगीण विकासावर विशेष लक्ष दिले जाते. तंत्रशिक्षण क्षेत्रात कॉलेज ऑफ पॉलिटेक्निक खूप प्रगती करत आहे. विशेष बाब म्हणजे महाविद्यालयातील सर्व सहा कोर्सेसना उत्कृष्ट दर्जा देऊन गौरविण्यात आले आहे. कॉलेज ऑफ पॉलिटेक्निकमध्ये आधुनिक तंत्रज्ञानाची विद्यार्थ्यांना योग्य प्रकारे ओळख व्हावी व त्याचे सखोल ज्ञान मिळावे यासाठी वेगवेगळे उपक्रम यशस्वीपणे राबविले जातात व याकरिता महाविद्यालय नेहमीच प्रयत्नशील असते. उज्ज्वल निकालाच्या परंपरेसोबत नामांकित आंतरराष्ट्रीय व राष्ट्रीय स्तरावरील कंपन्यांमार्फत प्लेसमेन्ट केले जाते व त्या माध्यमातून जास्तीत जास्त विद्यार्थ्यांना नोकरी उपलब्ध करून दिली जाते.
शैक्षणिक वर्ष २०४-२५ मध्ये कॅम्पस प्लेसमेंट ड्राइव्हमध्ये अंतिम वर्षातील १९५ विद्यार्थ्यांची विविध नामांकित कंपन्यांमध्ये निवड झाली. यामध्ये बजाज ऑटोमध्ये, जॉन डिअर, ग्रीव्हस कॉटनमध्ये, कोअर प्रोजेक्ट इंजिनियर्स अँड कन्सल्टंटमध्ये, व्हीजीओ टेक एक्सपर्ट्समध्ये आणि वेबसम सॉफ्टवेअरमध्ये, फोर्ब्स अँड कंपनी, पेपर पॅक इंडस्ट्रीज, घृष्णेश्वर ग्रीन पॉवर इन्फ्रा इंडिया, एक्सट्रॉन पीईबी अँड कंस्ट्रक्टशन्स, राजमुद्रा कंस्ट्रक्शन, एसीएस टेक्नॉलॉजी इत्यादी विद्यार्थ्यांची निवड झाली. या यशस्वी प्लेसमेंटमुळे महाविद्यालयाने विद्यार्थ्यांच्या उज्ज्वल भविष्यासाठी आणखी एक महत्त्वपूर्ण टप्पा गाठला आहे. या कॅम्पस प्लेसमेंटमध्ये नामांकित आंतरराष्ट्रीय स्तरावरील कंपन्यांनी सहभाग घेतला आणि विद्यार्थ्यांना त्यांच्या कौशल्यांनुसार नोकरीच्या संधी उपलब्ध करून दिल्या.नामांकित कंपन्यामध्ये निवड झालेल्या विद्यार्थ्यांना सुमारे २.२५ लाखाहून अधिक वार्षिक पॅकेज दिले आहे अशी माहिती कॉलेज ऑफ पॉलिटेक्निकचे प्राचार्य डॉ शशिकांत डिकले यांनी दिली.
सदरील निवडीबाबत बोलताना त्यांनी या विद्यार्थ्यांचा शैक्षणिक तसेच व्यक्तिमत्व विकास, सॉफ्टस्किल डेव्हलपमेंट, अभियोग्यता चाचणी अशा विविध चाचण्या घेण्यात आल्या असून हे विद्यार्थी सर्व टप्प्यांवर यशस्वी झाल्याचे प्रतिपादन केले. कॉलेज ऑफ पॉलिटेक्निकला मागील १६ वर्षाची यशस्वी परंपरा असून आजपर्यंत ५०० हुन अधिक विद्यार्थी विविध नामांकित उद्योगांमध्ये नोकरी करत आहेत. उच्च शिक्षित प्राध्यापकवृंद, आधुनिक उपकरणांनी सुसज्ज अशा प्रोयोगशाळा तसेच बदलत्या तंत्रज्ञानाचा वापर करून योग्य प्रशिक्षण व जास्तीत जास्त प्रात्यक्षिकांचा सराव करून घेतला जातो. कॉलेज ऑफ पॉलिटेक्निक मध्ये प्रवेश घेणाऱ्या प्रत्येक विद्यार्थ्याला योग्य प्रकारे प्रशिक्षित करून तसेच व्यवसाय अथवा नोकरी मिळवून देण्यासाठी कॉलेज नेहमीच प्रयत्नशील असते. महाविद्यालयाच्या कॅम्पसमध्ये सर्व सोयी सुविधा उपलब्ध करून देण्यात आल्या आहेत. यामध्ये कॉलेजमध्ये बसची व्यवस्था, मुला-मुलींसाठी स्वतंत्र वसतिगृह, सर्व प्रकारच्या खेळांसाठी भव्य क्रीडा संकुल, कॅन्टीन, हॉस्पिटल, एटीएम, पोस्ट ऑफीस, मेडिकल इ.सुविधा उपलब्ध आहेत. या सर्व बाबींचा परिपाक म्हणून कॉलेज ऑफ पॉलिटेक्निकचा उत्कृष्ट दर्जा देऊन गौरव करण्यात आला आहे. भविष्यातही अशीच वाटचाल सुरु राहील असे मत प्राचार्य डॉ शशिकांत डिकले यांनी व्यक्त केले.
सदरील यशाबद्दल छत्रपती शाहू महाराज शिक्षण संस्थेचे अध्यक्ष रणजीत मुळे, सचिव पद्माकरराव मुळे, प्रशासकीय अधिकारी, डॉ श्रीकांत देशमुख, प्राचार्य डॉ शशिकांत डिकले, उप-प्राचार्य प्रा चंद्रशेखर राहणे व विभागप्रमुख प्रा महेश मोरे, प्रा रुपाली पोफळे, प्रा माधव नरंगले, प्रा संदीप मदन, प्रा सोनल बोराखडे, प्रा कैलास तिडके, प्रा सागर आव्हाळे, प्रा गिरिष सहाणे यांनी कौतुक करून पुढील वाटचालीस शुभेच्छा दिल्या.
