सुब्रतो मुखर्जी फुटबॉल चषक स्पर्धा
जळगाव ः सुब्रतो मुखर्जी चषक फुटबॉल स्पर्धेत पोदार इंटरनॅशनल स्कूल संघाने दुहेरी मुकुट जिंकून स्पर्धा गाजवली.
जळगाव जिल्हा क्रीडा अधिकारी कार्यालय व जळगाव शहर महानगरपालिका आयोजित जळगाव जिल्हा फुटबॉल संघटना, गोदावरी फाउंडेशन व स्पोर्ट्स हाऊस जळगाव पुरस्कृत आंतरशालेय सुब्रतो चषक फुटबॉल स्पर्धेचे आयोजन गोदावरीच्या इंजिनिअरिंग कॉलेजच्या क्रीडांगणावर करण्यात आले होते.
१७ वर्षांखालील मुली मनपा गटात पोदार इंटरनॅशनल स्कूल संघाने रायसोनी संघाचा २-० असा पराभव करुन विजेतेपद पटकावले. रायसोनी संघ उपविजेता ठरला. या गटात एल एच पाटील संघाने गोदावरी संघावर २-१ असा विजय नोंदवत तिसरा क्रमांक संपादन केला.
१७ वर्षांखालील मुले मनपा गटात पोदार इंटरनॅशनल स्कूल संघाने ओरियन सीबीएससी संघाचा ४-१ असा पराभव करुन विजेतेपद पटकावले. एल एच पाटील संघाने रायसोनी संघावर ५-४ असा विजय साकारला व तिसरा क्रमांक मिळवला.
१७ वर्षांखालील मुलींच्या गटात उर्वरित विभागात रुस्तमजी स्कूल संघाने विजेतेपद मिळवले. सेंट अलॉयसियस भुसावळ संघाने उपविजेतेपद संपादन केले. तिसरा क्रमांक उल्हास पाटील संघाने मिळवला. त्यांनी तामसवाडी संघाचा पराभव केला.
पारितोषिक वितरण समारंभ
स्पर्धेतील प्रत्येक गटातील विजयी व उपविजेयी संघातील खेळाडूंना जळगाव स्पोर्ट्स हाऊसतर्फे सुवर्ण व रौप्य पदक देण्यात आले. यावेळी खरगोन जिल्हा दारुल उलूम प्रमुख मुफ्ती अतीक उर रहमान, एकता संघटनेचे अध्यक्ष मुफ्ती खालिद, अँग्लो व अली पब्लिकचे शिक्षक मौलाना उमेर नासिर, स्पोर्ट्स हाऊसचे संचालक आमिर शेख, जिल्हा संघटनेचे सचिव फारूक शेख, संचालक मनोज सुरवाडे, क्रीडा अधिकारी सचिन निकम, क्रीडा शिक्षिका छाया बोरसे, मनीषा पाटील, वाणी, उदय फालक, प्रमोद तिवारी, राहील अहमद, अरबाज खान, वसीम रियाज, साबीर अहमद, तौसिफ शेख, वसीम चांद आदींची उपस्थिती होती.
