जळगाव : येत्या ९ ते १४ ऑगस्ट या कालावधीत पुणे येथे महाराष्ट्र राज्य बास्केटबॉल असोसिएशनच्या वतीने होणार्‍या १८ वर्षांखालील मुले आणि मुलींसाठी ७५ वी युवा आंतरजिल्हा राज्य अजिंक्यपद बास्केटबॉल स्पर्धा २०२५ चे आयोजन करण्यात आले आहे.
या निवड चाचणीमध्ये जळगाव जिल्हा हौशी बास्केटबॉल असोसिएशन आणि जळगाव जिल्हा बास्केटबॉल असोसिएशन यांच्या संयुक्त विद्यमाने जळगाव जिल्हा संघासाठी खेळाडूंची निवड चाचणी घेण्यात येणार आहे. ही निवड चाचणी २७ जुलै २०२५ रविवारी दुपारी ३ वाजता पायोनियर स्पोर्ट्स क्लब, गणपती नगर जळगाव येथे घेण्यात येणार आहे. ज्या खेळाडूंचा जन्म १-१-२००७ नंतर झालेला असेल असेच खेळाडू या निवड चाचणी मध्ये सहभागी होऊ शकतील.
सहभागी खेळाडूंनी आधार कार्डची प्रत व जन्म-मृत्यु नोंदणी विभाग (महानगर पालिका, नगर परिषद, ग्राम पंचायत) यांच्या मार्फ़त मिळालेले जन्म प्रमाणपत्र यांची छायांकित प्रत सोबत आणावे. जास्तीत जास्त खेळाडूंनी सहभाग घ्यावा असे आवाहन महाराष्ट्र राज्य बास्केटबॉल संघटना सहसचिव जयंत देशमुख, जळगाव जिल्हा हौशी बास्केटबॉल असोसिएशनचे सचिव जितेंद्र शिंदे (९९२३१२७३७३), आणि जळगाव जिल्हा बास्केटबॉल असोसिएशन सचिव नीलेश पाटील (९४२२९७९९८५) यांनी केले आहे.
