धाराशिव : महाराष्ट्र अॅथलेटिक्स संघटनेच्या वतीने आयोजित राज्यस्तरीय ज्युनियर गट (१४, १६, १८, २० वर्षाखालील मुले/मुली) स्पर्धेसाठी धाराशिव जिल्हा अॅथलेटिक्स संघटनेच्या वतीने जिल्हास्तर ज्युनियर अजिंक्यपद स्पर्धा व जिल्हा संघाची निवड चाचणी श्री तुळजाभवानी जिल्हा स्टेडियम येथे १० व ११ ऑगस्ट रोजी सकाळी नऊ वाजता आयोजित करण्यात आली आहे.
खेळाडूंनी https://docs.google.com/forms/d/e/1FAIpQLSf0Fe-yWnMZHFhG3GQXvpcPb23WiZeR0asCvvguy3kjsdPmjg/viewform?usp=pp_url या लिंकवर ६ ऑगस्टपर्यंत नोंदणी करावी. यामध्ये ट्रायथलॉन अ, ट्रायथलॉन ब, ट्रायथलॉन क, ६० मी, १०० मी, २०० मी, ४०० मी , ६०० मी, ८०० मी, १००० मी, १५०० मी, ३००० मी, ५००० मी, गोळा फेक, लांब उडी, उंच उडी, थाळी फेक, भाला फेक, ८० मी हर्डल्स, ३ किमी चालणे, १० किमी चालणे, ४ बाय १०० मी रिले, ४ बाय ४०० मी रिले, मिक्स रिले; मिडले रिले इत्यादी प्रकारात स्पर्धा होणार आहे.
या स्पर्धेमधून विजयी खेळाडू मुले व मुलींची निवड धाराशिव जिल्हा संघात केली जाणार आहे. खेळाडूंनी सोबत आधार कार्ड, जन्म दाखला (नगरपालिका/ग्रामपंचायत), २ पासपोर्ट साइज फोटो, दहावी प्रमाणपत्र, एएफआय यूआयडी नंबर सोबत आणावे. यासाठी राजू सोलनकर यांच्या अध्यक्षतेखाली निवड समिती गठीत करण्यात आली आहे. त्यामध्ये सदस्य म्हणून सुरेंद्र वाले, मुनीर शेख, माऊली भुतेकर, अजिक्य वराळे यांची नियुक्ती करण्यात आली आहे.
तसेच राजेश बिलकुले यांच्या अध्यक्षतेखाली तांत्रिक समिती निवड करण्यात आली आहे. त्यामध्ये सदस्य म्हणून सचिन पाटील, रोहित सुरवसे, प्रशांत बोराडे, ऋषिकेश काळे, अश्विन पवार, राहुल जाधव, योगिनी साळुंखे, प्रणिता जाधवर इत्यादी आहेत. स्पर्धा प्रमुख म्हणून संजय कोथळीकर यांची निवड करण्यात आली आहे. या स्पर्धेत अधिकाधिक खेळाडूंनी सहभागी व्हावे असे आवाहन जिल्हा संघटनेचे अध्यक्ष प्रा भरत जगताप व सचिव योगेश थोरबोले यांनी केले आहे. अधिक माहितीसाठी योगेश थोरबोले (9860609056), रोहित सुरवसे (7796756866), राजेंद्र सोलनकर (9665315110) यांच्याशी संपर्क साधावा.
