आशिया कप स्पर्धेचे वेळापत्रक जाहीर
नवी दिल्ली ः भारत आणि पाकिस्तानमधील लष्करी तणावानंतर असे वाटत होते की आशिया कप २०२५ कोणत्याही परिस्थितीत आयोजित केला जाणार नाही. परंतु सिंगापूरमधील बैठकीनंतर आशिया कप आयोजनाबाबतचे संकट दूर झाले आणि आशियाई क्रिकेट परिषदेने स्पर्धेचे वेळापत्रक जाहीर केले. परंतु सामने कोणत्या मैदानावर होतील हे सांगण्यात आले नाही. आता एसीसीने हे जाहीर केले आहे.
आशिया कप २०२५ मध्ये एकूण ८ संघ सहभागी होतील. या संघांना प्रत्येकी चारच्या दोन गटात विभागण्यात आले आहे. त्यानंतर येथून ४ संघ सुपर-फोरसाठी पात्र ठरतील, तर ४ संघ बाहेर पडतील. त्यानंतर सुपर-फोरच्या पॉइंट टेबलमध्ये टॉप २ मध्ये असलेल्या संघांमध्ये अंतिम सामना होईल. आशिया कप २०२५ मध्ये भारत, पाकिस्तान, बांगलादेश, श्रीलंका, अफगाणिस्तान, युएई, ओमान आणि हाँगकाँगचे संघ सहभागी होतील.
भारतीय क्रिकेट संघ दुबईच्या मैदानावर पाकिस्तानविरुद्ध खेळेल
आशिया कप २०२५ मध्ये, भारतीय संघ १० सप्टेंबर रोजी दुबईच्या मैदानावर यूएईविरुद्ध पहिला सामना खेळेल. त्यानंतर १४ सप्टेंबर रोजी पाकिस्तानविरुद्धचा मोठा सामना देखील दुबईच्या मैदानावर खेळला जाईल. त्याच वेळी, भारत गटातील आपला शेवटचा सामना अबूधाबीमध्ये ओमानविरुद्ध खेळेल.
भारत आशिया कपचे यजमान आहे
भारत आशिया कप २०२५ चे यजमान आहे. परंतु तो तटस्थ ठिकाणी आयोजित केला जात आहे. कारण पाकिस्तानी क्रिकेट संघ भारतात येऊ शकत नाही. २०२७ पर्यंत दोन्ही देश कोणत्याही स्पर्धेत एकमेकांच्या देशात सामने खेळणार नाहीत. आता आशिया कप २०२५ ९ सप्टेंबरपासून सुरू होईल आणि त्याचा अंतिम सामना २८ सप्टेंबर रोजी खेळला जाईल. या स्पर्धेचे सामने दुबई आणि अबूधाबीच्या मैदानावर खेळवले जातील.
आशिया कप २०२५ वेळापत्रक
९ सप्टेंबर : अफगाणिस्तान विरुद्ध हाँगकाँग, अबू धाबी
१० सप्टेंबर : भारत विरुद्ध यूएई, दुबई
११ सप्टेंबर : बांगलादेश विरुद्ध हाँगकाँग, अबू धाबी
१२ सप्टेंबर : पाकिस्तान विरुद्ध ओमान, दुबई
१३ सप्टेंबर : बांगलादेश विरुद्ध श्रीलंका, अबू धाबी
१४ सप्टेंबर : भारत विरुद्ध पाकिस्तान, दुबई
१५ सप्टेंबर : श्रीलंका विरुद्ध हाँगकाँग, अबू धाबी
१५ सप्टेंबर : यूएई विरुद्ध ओमान, दुबई
१६ सप्टेंबर : बांगलादेश विरुद्ध अफगाणिस्तान, अबू धाबी
१७ सप्टेंबर : पाकिस्तान विरुद्ध यूएई, दुबई
१८ सप्टेंबर : श्रीलंका विरुद्ध अफगाणिस्तान, अबू धाबी
१९ सप्टेंबर : भारत विरुद्ध ओमान, अबू धाबी
सुपर फोर वेळापत्रक
२० सप्टेंबर बी १ विरुद्ध बी २, दुबई
२१ सप्टेंबर ए १ विरुद्ध ए २, दुबई
२३ सप्टेंबर ए २ विरुद्ध बी १, अबू धाबी
२४ सप्टेंबर ए १ विरुद्ध बी २, दुबई
२५ सप्टेंबर ए २ विरुद्ध बी २, दुबई
२६ सप्टेंबर ए १ विरुद्ध बी १, दुबई
अंतिम सामना होईल २८ सप्टेंबर रोजी दुबईच्या मैदानावर खेळला जाईल.
