भारतीय संघाविरुद्धच्या मालिकेसाठी संघ जाहीर
मेलबर्न ः क्रिकेट ऑस्ट्रेलियाने भारतीय संघाविरुद्ध विरुद्धच्या मालिकेसाठी आपला १५ सदस्यीय संघ जाहीर केला आहे. या संघात दोन भारतीय वंशाच्या खेळाडूंचाही समावेश करण्यात आला आहे.
भारतीय अंडर १९ संघ इंग्लंडचा यशस्वी दौरा पूर्ण करून नुकताच मायदेशी परतला आहे, तर आता त्यांना सप्टेंबर महिन्यात ऑस्ट्रेलिया दौऱ्यावर पुढील मालिका खेळायची आहे. या दौऱ्यात, टीम इंडिया यजमान विरुद्ध तीन युवा एकदिवसीय सामन्यांची मालिका तसेच दोन चार दिवसांच्या युवा कसोटी सामन्यांची मालिका खेळेल, ज्यामध्ये २१ सप्टेंबरपासून हा दौरा सुरू होईल.
आर्यन शर्मा आणि यश देशमुखची निवड
भारत विरुद्धच्या १९ वर्षांखालील मालिकेसाठी क्रिकेट ऑस्ट्रेलियाने जाहीर केलेल्या १५ सदस्यीय संघात भारतीय वंशाच्या आर्यन शर्मा आणि यश देशमुख यांना स्थान मिळाले आहे. यश शर्मा हा फलंदाज आहे, तर यश देशमुख हा न्यू साउथ वेल्समधील पाच खेळाडूंमध्ये आहे ज्यांची संघात निवड झाली आहे. क्रिकेट ऑस्ट्रेलियाने संघ जाहीर करण्यासोबतच नवीन प्रशिक्षकाचे नावही जाहीर केले आहे, ज्यामध्ये २००७ ते २०११ पर्यंत ऑस्ट्रेलियाच्या वरिष्ठ पुरुष संघाचे प्रशिक्षक असलेले टिम निल्सन आता १९ वर्षांखालील संघाचे मुख्य प्रशिक्षक म्हणून आपली नवीन इनिंग सुरू करतील.
ऑस्ट्रेलियाच्या १९ वर्षांखालील संघ
सायमन बझ, अॅलेक्स टर्नर, स्टीव्ह होगन, विल मालजचुक, यश देशमुख, टॉम होगन, आर्यन शर्मा, जॉन जेम्स, हेडन शिलर, चार्ल्स लॅचमंड, बेन गॉर्डन, विल बायरम, केसी बार्टन, अॅलेक्स ली यंग, जेडेन ड्रेपर.
राखीव खेळाडू – जेड हॉलिक, टॉम पॅडिंग्टन, ज्युलियन ऑसबोर्न.
भारतीय संघाची घोषणा
ऑस्ट्रेलिया दौऱ्यासाठी १९ वर्षांखालील संघाची घोषणा बीसीसीआयने आधीच केली आहे, ज्यामध्ये आयुष म्हात्रे कर्णधारपदाची जबाबदारी बजावताना दिसणार आहे, तर विहान मल्होत्राला उपकर्णधार बनवण्यात आले आहे. याशिवाय वैभव सूर्यवंशीलाही संघात स्थान मिळाले असून, त्याच्या कामगिरीकडे सर्वांचे लक्ष असेल.
टीम इंडियाचा संघ
आयुष म्हात्रे (कर्णधार), विहान मल्होत्रा (उपकर्णधार), वैभव सूर्यवंशी, वेदांत त्रिवेदी, राहुल कुमार, अभिज्ञान कुंडू (विकेटकीपर), हरवंश सिंग (विकेटकीपर), आर.एस. अंबरीश, कनिष्क चौहान, नमन पुष्पक, हेनिल पटेल, डी.दीपेश, किशन कुमार, अनमोलजीत सिंग, खिलन पटेल, उद्धव मोहन, अमन चौहान.
राखीव खेळाडू – युधाजित गुहा, लक्ष्मण, बी. किशोर, अलंकृत रापोळे, अर्णब बुग्गा.
सामन्यांचे वेळापत्रक
२१ सप्टेंबर – पहिला युवा एकदिवसीय सामना सकाळी १० वाजता
२४ सप्टेंबर – दुसरा युवा एकदिवसीय सामना सकाळी १० वाजता
२६ सप्टेंबर – तिसरा युवा एकदिवसीय सामना सकाळी १० वाजता
३० सप्टेंबर ते ३ ऑक्टोबर – पहिला युवा कसोटी सामना सकाळी ५:३० वाजता
७ ऑक्टोबर ते १० ऑक्टोबर – दुसरा युवा कसोटी सामना सकाळी ५:३० वाजता
