कॅडेट जिल्हास्तरीय तलवारबाजी स्पर्धा
छत्रपती संभाजीनगर ः छत्रपती संभाजीनगर जिल्हा तलवारबाजी संघटनेच्या वतीने वसंतराव नाईक येथील बॅडमिंटन हॉलमध्ये आयोजित कॅडेट (१७ वर्षाखालील) जिल्हास्तरीय तलवारबाजी स्पर्धेमध्ये आर्यन काकड, हर्षवर्धन भामरे, सन्मय क्षीरसागर, यशश्री वंजारे, मानसी वाघ व तनुजा लहाने यांनी सुवर्णपदक पटकावत आपला दबदबा कायम ठेवला.
या स्पर्धेतील विजेत्या खेळाडूंना महाराष्ट्र राज्य तलवारबाजी संघटनेचे सरचिटणीस डॉ उदय डोंगरे यांच्या हस्ते पारितोषिकांचे वितरण करण्यात आले. या प्रसंगी डॉ दिनेश वंजारे, सागर मगरे, स्वप्नील तांगडे, अजय त्रिभुवन, तुषार आहेर, शिल्पा नेने, राहुल धनके आदींची उपस्थिती होती. पंच म्हणून जयदीप पांढरे, विशाल दानवे, आदित्य वाहून, गार्गी डोंगरे आदींनी काम पाहिले.
या सर्व पदक विजेत्या खेळाडूंची छत्रपती संभाजीनगर येथे होणाऱ्या कॅडेट राज्यस्तरीय तलवारबाजी स्पर्धेसाठी छत्रपती संभाजीनगर जिल्ह्याच्या संघात निवड करण्यात आली आहे.
स्पर्धेचा अंतिम निकाल
फाईल मुले ः हर्षवर्धन भामरे, स्वराज डोंगरे, देवेन पाथ्रीकर, वेदांत शहाणे.
फाईल मुली ः यशश्री वंजारे, अनुष्का अंकमुळे, कनक भोजने, मानसी हुरसुलकर.
इप्पी मुले ः आर्यन काकड, ओम लहाने, सर्वेश क्षीरसागर, साईराज लहाने.
इप्पी मुली ः मानसी वाघ, सौम्या साठे, कृतिका राठोड, रूपाली शिंदे.
सायबर मुले ः सन्मय क्षीरसागर, ऋचल वनारसे, स्पर्श जाधव, ऋषिकेश सोनार.
सायबर मुली ः तनुजा लहाने, भक्ती सोनव, हर्षदा झोंड, संचिता वारेगावकर.
