सेलू ः जिल्हा क्रीडा अधिकारी कार्यालय परभणी, गटशिक्षणाधिकारी पंचायत समिती, सेलू तालुका क्रीडा अधिकारी कार्यालय सेलू यांच्या संयुक्त विद्यमाने आयोजित सेलू तालुका शालेय क्रीडा स्पर्धेला शानदार प्रारंभ झाला.
सेलू तालुकास्तरीय शालेय योगासन, बुद्धिबळ, कॅरम या क्रीडा स्पर्धांचे उद्घाटन नूतन इनडोअर क्रीडा हॉल येथे संपन्न झाले. स्पर्धेचे उद्घाटन योगासन स्पोर्ट्स असोसिएशनचे सचिव डी डी सोन्नेकर यांच्या हस्ते करण्यात आले. कार्यक्रमाच्या अध्यक्षस्थानी नूतन विद्यालयाचे मुख्याध्यापक संतोष पाटील हे होते. प्रमुख अतिथी म्हणून माजी मुख्याध्यापक चंद्रशेखर नावाडे, क्रीडा विभाग प्रमुख गणेश माळवे, तालुका क्रीडा संयोजक प्रशांत नाईक, बुद्धिबळ प्रशिक्षक सचिन शहाणे आदी मान्यवर उपस्थित होते.
सेलू तालुका शालेय योगासन, बुद्धिबळ, कॅरम या स्पर्धेत १४, १७, १९ वयोगटात एकूण ३५० खेळाडूंनी सहभाग नोंदवला. स्पर्धेतील विजेत्या खेळाडू शालेय जिल्हा स्तरीय क्रीडा स्पर्धेत प्रतिनिधित्व करणार आहेत. या स्पर्धेत पंच म्हणून रामा गायकवाड, सोमनाथ महाजन, देशपांडे, सचिव शहाणे, संजय भुमकर, राहुल घांडगे, अनुराग आंबटी, सुरज शिंदे, फारुकी, जुलाह खुदुस, वैभव रोडगे, पद्म आदींनी काम पाहिले. सेलू तालुका क्रीडा समिती अध्यक्ष तहसीलदार डॉ. शिवाजी मगर, गटशिक्षणाधिकारी मनोज चव्हाण यांनी क्रीडा स्पर्धेसाठी शुभेच्छा दिल्या.
