रावेर ः राज्यस्तरीय फ्लोअर बॉल स्पर्धेत गोदावरी स्कूल संघाने शानदार कामगिरी बजावत उपविजेतेपद संपादन केले.
अलीकडे झालेल्या राज्यस्तरीय फ्लोअर बॉल स्पर्धेत गोदावरी स्कूलच्या विघ्नेश पाटील, निर्भय सावकारे, नितीन मोरया, जुनेद शेख यांनी अप्रतिम कामगिरी करत द्वितीय क्रमांक पटकावला. प्रशिक्षक मयूर पाटील यांचे संघाला मार्गदर्शन लाभले.
राज्यातून आलेल्या स्पर्धकांमध्ये अप्रतिम खेळ, आत्मविश्वास व संघभावना दाखवत सर्वांचे लक्ष वेधून घेतले. त्याच्या या यशाचे गोदावरी फाउंडेशनचे अध्यक्ष डॉ. उल्हास पाटील, संचालिका डॉ वर्षा पाटील, सचिव डॉ केतकी पाटील, डॉ वैभव पाटील, यांनी मुलांचे अभिनंदन केले. स्कूलच्या प्राचार्या नीलिमा चौधरी यांनी मुलांचे अभिनंदन करताना सांगितले की, “विद्यार्थ्यानी मेहनत आणि चिकाटीच्या जोरावर हे यश संपादन केले असून भविष्यात त्याच्याकडून अधिक मोठ्या कामगिरीची अपेक्षा आहे.”
