छत्रपती संभाजीनगर ः छत्रपती संभाजीनगर जिल्हा क्रिकेट संघटनेच्या वतीने महाराष्ट्र क्रिकेट संघटनेच्या वतीने आयोजित १४ वर्ष वयोगटाखालील मुलांच्या स्पर्धेसाठी निवड चाचणीचे आयोजन करण्यात आले आहे.
येत्या १० सप्टेंबर रोजी दुपारी ३ वाजता गरवारे मैदानावरील विशाल गीते यांच्या खेळपट्टीवर निवड चाचणी घेण्यात येणार आहे. या निवड चाचणीसाठी १ सप्टेंबर २०११ नंतर जन्मतारीख असलेले खेळाडू निवड चाचणीस पात्र असतील. संघटनेच्या वतीने अनंत नेरळकर, अतुल वालेकर, प्रभुलाल पटेल, दिनेश कुंटे आणि ज्ञानेश्वर कदम यांची निवड समितीत नियुक्ती करण्यात आलेली आहे.
जास्तीत जास्त खेळाडूंनी निवड चाचणीत सहभागी व्हावे असे आवाहन संघटनेच्या वतीने अध्यक्ष राम भोगले, उपाध्यक्ष नरेंद्र पाटील, पारस छाजेड, सचिव सचिन मुळे, सहसचिव शिरीष बोराळकर आणि कोषाध्यक्ष सुभाष पटेल यांनी केले आहे.
