ठाणे (रोशनी खेमानी) ः एस एम एम हायस्कूल अँड ज्युनिअर कॉलेज ठाणे येथील पूर्व प्राथमिक विभागाच्या मुख्याध्यापिका नीता मिरकर तसेच विभागातील सर्व शिक्षक, शिक्षकेतर व कर्मचारीवर्ग यांच्या वतीने प्रमोद वाघमोडे यांचा सत्कार करण्यात आला.
प्रमोद वाघमोडे यांची क्रीडा, शैक्षणिक व सामाजिक संघटनांच्या विविध पदांवर नुकतीच झालेली निवड व नियुक्ती ही गौरवास्पद बाब असल्याने त्यांना भेटवस्तू देऊन सन्मानपूर्वक गौरविण्यात आले. यावेळी उपस्थित सर्व शिक्षक व कर्मचाऱ्यांनी त्यांना पुढील कार्यासाठी शुभेच्छा दिल्या. सत्कार स्वीकारताना प्रमोद वाघमोडे यांनी गौरवाबद्दल मुख्याध्यापिका मॅडम, शिक्षक वृंद तसेच कर्मचारी वर्गाचे मनःपूर्वक आभार मानले.
दरम्यान, एस एम एम हायस्कूल अँड ज्युनिअर कॉलेजच्या पूर्व प्राथमिक विभागामध्ये नर्सरी, ज्युनिअर व सीनिअर केजीच्या वर्गात ‘प्ले-वे मेथड’द्वारे शिक्षण दिले जाते. पात्र व प्रशिक्षित शिक्षकवर्ग, उत्कृष्ट शैक्षणिक वातावरण आणि विद्यार्थ्यांच्या सर्वांगीण विकासासाठीचा दृष्टिकोन यामुळे ठाण्यातील पालकवर्गाने या स्पोर्ट्स-ओरिएंटेड शाळेत प्रवेशाचा लाभ घ्यावा, असे आवाहन करण्यात आले.
