लंडन ः कोणत्याही फलंदाजाला एकदिवसीय क्रिकेटमध्ये त्रिशतक ठोकण्याचा विचारही करणे कठीण आहे, परंतु एका फलंदाजाने आधीच हा अशक्य वाटणारा विक्रम केला आहे. या धाडसी फलंदाजाने क्रिकेटच्या मैदानावर कहर केला आणि एकदिवसीय क्रिकेटमध्ये त्रिशतक ठोकले. या फलंदाजाने वादळी स्ट्राईक रेटने फलंदाजी करताना १३८ चेंडूत ३५० धावा केल्या. त्याच्या डावात या फलंदाजाने ३४ चौकार आणि २७ षटकार मारले. या फलंदाजाचे नाव आहे लियाम लिव्हिंगस्टोन.
इंग्लंडचा स्फोटक फलंदाज लियाम लिव्हिंगस्टोन याने एकदिवसीय क्रिकेटमध्ये हा मोठा चमत्कार केला. लियाम लिव्हिंगस्टोनने एकदा एका एकदिवसीय सामन्यात १३८ चेंडूत ३५० धावांची खेळी खेळून विक्रमी पुस्तकात आपले नाव नोंदवले होते. लियाम लिव्हिंगस्टोनने २०१५ मध्ये रॉयल लंडन नॅशनल क्लब चॅम्पियनशिपमध्ये कॅल्डीविरुद्ध हे त्रिशतक ठोकले. नॅन्टविच क्लबकडून फलंदाजी करताना लियाम लिव्हिंगस्टोनने एकदिवसीय क्रिकेटमध्ये त्रिशतक ठोकण्याचा पराक्रम केला.
३४ चौकार आणि २७ षटकार मारले
धडाकेबाज फलंदाज लियाम लिव्हिंगस्टोनने आपल्या डावात ३४ चौकार आणि २७ षटकार मारले. लियाम लिव्हिंगस्टोनच्या त्रिशतकामुळे, त्याच्या क्लब नॅन्टविचने कॅल्डीविरुद्धच्या रॉयल लंडन नॅशनल क्लब चॅम्पियनशिप सामन्यात ४५ षटकांत ७ गडी गमावून ५७९ धावांचा मोठा स्कोअर केला. नॅन्टविच क्लबच्या ५७९ धावांच्या डोंगरासारख्या लक्ष्याला प्रत्युत्तर म्हणून, कॅल्डीचा संघ फक्त ७९ धावांवरच आऊट झाला. अशा प्रकारे नॅन्टविच क्लबने ५०० धावांच्या मोठ्या फरकाने आश्चर्यकारक विजय मिळवला.
