छत्रपती संभाजीनगर ः मराठवाडा शिक्षण प्रसारक मंडळ संचलित देवगिरी कनिष्ठ महाविद्यालय येथे विज्ञान, कला, वाणिज्य व एमसीव्हीसी शाखेतील विद्यार्थ्यांच्या महिला पालकांसाठी/मातांसाठी आई मेळाव्याचे आयोजन शुक्रवारी (१२ सप्टेंबर) रोजी सकाळी ११.३० वाजता महाविद्यालयाच्या रवींद्रनाथ टागोर सभागृहात करण्यात आले आहे.
या आई मेळाव्यासाठी प्रसिद्ध समुपदेशक डॉ अपर्णा अष्टपुत्रे या विद्यार्थ्यांच्या आई बरोबर आई- मुलांचा एकत्र प्रवास-समज, प्रेम आणि आत्मविश्वास या विषयावर हितगुज साधणार आहेत.
आई मेळाव्यात प्रामुख्याने विद्यार्थ्यांची मानसिकता, स्पर्धेच्या युगात विद्यार्थ्यांनी करावी लागणारी जीवघेणी मेहनत, त्यांच्यावर येणारा मानसिक ताणतणाव, आई-वडिलांनी या काळात घ्यावयाची जबाबदारी, विद्यार्थ्यांचे नैराश्य आणि पालकांची भूमिका याविषयी सखोल मार्गदर्शन या मेळाव्यात करण्यात येणार आहे.
आई मेळावा कार्यक्रमाचे अध्यक्षस्थान महाविद्यालय विकास समिती सदस्य नीलिमा सावंत या भूषविणार असून या मेळाव्यासाठी विद्यार्थ्यांच्या आईं पालकांनी मोठ्या संख्येने उपस्थित रहावे असे आवाहन निमंत्रक प्राचार्य डॉ अशोक तेजनकर, संयोजक उपप्राचार्य अरुण काटे, उपप्राचार्य प्रा सुरेश लिपाने, उपप्राचार्य प्रा विजय नलावडे, जेईई नीट सेलचे संचालक प्रा एन जी गायकवाड यांनी केले आहे.
