लंडन ः इंग्लंड क्रिकेट संघाने पहिल्या टी २० सामन्यात आयर्लंडचा चार विकेट्सने शानदार पराभव केला. प्रथम फलंदाजी करताना आयर्लंडने १९६ धावा केल्या. त्यानंतर फिल सॉल्टने आपला दर्जा दाखवला आणि आयर्लंडच्या गोलंदाजांसाठी डोकेदुखी ठरला. त्याच्या खेळीमुळे इंग्लंडला विजय मिळवून देण्यात मदत झाली.
इंग्लंडकडून फिल सॉल्टने सुरुवात केली आणि सुरुवातीपासूनच तो स्फोटक ठरला. त्याने ४६ चेंडूत १० चौकार आणि चार षटकारांसह ८९ धावा केल्या. जोस बटलरनेही २८ धावांचे योगदान दिले. या दोन्ही खेळाडूंनी पहिल्या विकेटसाठी ७४ धावांची भागीदारी करून विजयाचा पाया रचला. सॅम करनने २७ धावांचे योगदान दिले आणि जेकब बेथेलने २४ धावांचे योगदान दिले. बेथेल आंतरराष्ट्रीय क्रिकेटमध्ये इंग्लंडचे नेतृत्व करणारा सर्वात तरुण कर्णधार ठरला. फलंदाजीच्या दमदार कामगिरीमुळे इंग्लंडने केवळ १७.४ षटकांत लक्ष्य गाठले.
आयर्लंडकडून दोन फलंदाजांची अर्धशतके
आयर्लंडच्या फलंदाजांनी चांगली कामगिरी केली, परंतु गोलंदाजांना अपेक्षा पूर्ण करता आल्या नाहीत. पॉल स्टर्लिंगने ३४ धावांचे योगदान दिले, तर हॅरी टेक्टर आणि लॉर्कन टकर यानेही अर्धशतके झळकावली. या दोन्ही खेळाडूंनी इंग्लिश गोलंदाजांना अडचणीत आणले आणि चांगली कामगिरी केली. टेक्टरने ६१ धावा आणि लॉर्कनने ५५ धावा केल्या. प्रथम फलंदाजी करताना आयर्लंडने १९६ धावा केल्या.
१९ सप्टेंबर रोजी दुसरा टी २० सामना
इंग्लंड क्रिकेट संघाने तीन सामन्यांच्या टी २० मालिकेत १-० अशी आघाडी घेतली आहे. दोन्ही संघांमधील दुसरा टी २० सामना १९ तारखेला डब्लिनमधील त्याच मैदानावर खेळला जाईल. तिसरा टी २० सामना २१ सप्टेंबर रोजी खेळला जाईल.
