एकाचवेळी पाच फलंदाजांना टाकले मागे
दुबई ः श्रीलंकेचा माजी कर्णधार दासुन शनाकाला आशिया कपमध्ये तो ज्या करिष्मासाठी ओळखला जातो तो सापडलेला नाही. दुबईत बांगलादेशविरुद्ध त्याने नाबाद ६४ धावा केल्या, तर उर्वरित सामन्यांमध्ये शनाकाला धावांसाठी संघर्ष करावा लागला. पाकिस्तानविरुद्धच्या सुपर ४ सामन्यात तो आपले खातेही उघडू शकला नाही आणि तो बाद झाला. यासह, त्याने टी २० आंतरराष्ट्रीय सामन्यांमध्ये एक नवा विश्वविक्रम रचला आहे.
दासुन शनाका आता टी २० आंतरराष्ट्रीय सामन्यांमध्ये सर्वाधिक शून्य धावा करणारा फलंदाज बनला आहे. त्याने आतापर्यंत ११३ टी २० आंतरराष्ट्रीय सामने खेळले आहेत, त्याने १६०१ धावा केल्या आहेत. त्याची सरासरी २०.२६ आहे आणि त्याचा स्ट्राइक रेट १२३.०५ आहे. तो या फॉरमॅटमध्ये १४ वेळा शून्य धावा करणारा फलंदाज ठरला आहे, जो जगात सर्वाधिक आहे. यापूर्वी, पाच फलंदाज १३ वेळा शून्य धावा करणारा फलंदाज ठरले होते.
शानाकाने एकाच वेळी पाच फलंदाजांना मागे टाकले
टी २० आंतरराष्ट्रीय सामन्यांमध्ये पाच फलंदाज १३ वेळा शून्यावर बाद झाले आहेत. याचा अर्थ शनाकाने एकाच वेळी सर्वांना मागे टाकले आहे आणि अव्वल स्थानावर पोहोचला आहे. यातील तीन फलंदाज रवांडाचे आहेत. रवांडाचे केविन इराकोसे, जप्पी बिमेनिमाना आणि मार्टिन अकायेझू, बांगलादेशचे सौम्या सरकार आणि आयर्लंडचे पॉल स्टर्लिंग यांच्यासह टी २० आंतरराष्ट्रीय सामन्यांमध्ये १३ वेळा शून्यावर बाद झाले आहेत. यातील काही खेळाडू अजूनही खेळत आहेत; ते पुन्हा शनाकाचा टप्पा गाठू शकतात.
सुपर ४ मध्ये श्रीलंकेची कामगिरी निराशाजनक आहे
आशिया कपमध्ये पाकिस्तान आणि श्रीलंका यांच्यातील सुपर ४ सामन्यात, प्रथम फलंदाजी करणाऱ्या श्रीलंकेने आठ विकेट गमावून १३३ धावा केल्या. पाकिस्तानविरुद्ध संघाला मोठी धावसंख्या उभारता आली नाही. यापूर्वी सुपर ४ सामन्यात श्रीलंकेला बांगलादेशकडून पराभव पत्करावा लागला होता. जर श्रीलंकेने हा सामनाही गमावला तर अंतिम फेरीत पोहोचण्याचे त्यांचे स्वप्न भंग होऊ शकते. संघाने त्यांच्या तीन लीग सामन्यांपैकी तीन जिंकले असले तरी, येथे त्यांची कामगिरी अपेक्षेनुसार नव्हती.
