अनुभूती निवासी स्कूल येथे अतुल जैन यांच्या हस्ते उद्घाटन, १४ रणजीपटूंचा सहभाग
जळगाव ः १९ वर्षांखालील महाराष्ट्र राज्य क्रिकेट संघासाठी अनुभूती निवासी स्कूलच्या क्रिकेट मैदानावर निवड चाचणीची सुरुवात झाली आहे.
येत्या ३ ऑक्टोबर दरम्यान ही निवड चाचणी घेण्यात येणार आहे. यामध्ये संपूर्ण राज्यातून २७ खेळाडू आपले कौशल्य अजमावत आहेत. त्यांच्यासोबत वरिष्ठ गटातील १४ रणजीपटूसुद्धा देखील खेळत आहे. पहिल्या निवड चाचणीच्या सामन्यांची सुरुवात महाराष्ट्र क्रिकेट असोसिएशनचे अॅपेक्स कौन्सिलचे सदस्य व जळगाव जिल्हा क्रिकेट असोसिएशनचे अध्यक्ष अतुल जैन यांच्या हस्ते नाणेफेक करुन करण्यात आली. “खेळांमध्ये हार जीत सुरुच असते, मात्र खेळाचा आदर ठेवला पाहिजे, यातून खेळ भावना विकसित होते आणि चांगले व्यक्तिमत्व घडते, असा संवाद अतुल जैन यांनी खेळांडूशी साधला. सामन्याच्या सुरवातीला अतुल जैन यांच्यासमवेत अरविंद देशपांडे, सुयूश बुरकूल, रवींद्र धर्माधिकारी उपस्थित होते. पंच म्हणून मुश्ताक अली, घनश्याम चौधरी यांनी काम पाहिले. वरूण देशपांडे यांनी सूत्रसंचालन केले.
महाराष्ट्र क्रिकेट असोसिएशनतर्फे अधिकृत असलेल्या निवड चाचणीचे आयोजन जळगाव जिल्हा क्रिकेट असोसिएशनतर्फे करण्यात आले आहे. यासाठी जैन इरिगेशन सिस्टिम्स लिमिटेड व जैन स्पोर्ट्स अकॅडमीचे सहकार्य लाभत आहे. १९ वर्षांखालील महाराष्ट्र संघाच्या निवड चाचणी कमिटीचे अध्यक्ष अतुल गायकवाड (रत्नागिरी), सदस्य शैलेश भोसले (कोल्हापूर), मंगेश भुस्कटे (पुणे), शिरीष कामटे (पुणे), केतन दोशी (कराड) यांच्या निरीक्षणातून संघ निवडला जाणार आहे.
रणजी टीममधील १४ वरिष्ठ खेळाडूंमध्ये महेश म्हस्के, सिद्धांत दोशी, उबेद खान, ऋषिकेश सोनवणे, रणजित नीका थेम, अभिनव तिवारी, वैभव विभुते, हर्षल हडके, यश खलाटकर, आयुष बिरादर, अक्षय वाईकर, तनय संघवी, बालकृष्ण काशीद, ऋषभ राठोड यांचा समावेश आहे. त्यांच्यासोबत महाराष्ट्रातील प्रत्येक जिल्ह्यातून निवड झालेल्या २७ खेळांडूमध्ये मोहित कटारीया, प्रज्वल मोरे, मोहम्मद अक्रम, अनिश जोशी, शुभम कदम, सुहशिक जगताप, कार्तिक शेवाळे, श्रीवत्स कुलकर्णी, यतिराज पोताडे, आयुष रक्ताडे, समांथा धोरनार, साई परदेशी, राम राठोड, एकनाथ देवदे, इंद्रजीत शिंदे, सुश्रृत सावंत, राजवर्धन शितोडे, आर्यन देशमुख, अभिनंदन अदाक, जशन सिंग, व्यंकटेश बेहरे, ओमकार मोगर, रोनक अदानी, अभिषेक आमरे, ऋत्विक रडे, इशान खोंडे, हर्षल मिश्रा यांचा समावेश आहे. निवड चाचणी क्रिकेट स्पर्धा यशस्वीतेसाठी जैन स्पोर्ट्स अकडमीचे सर्व सहकारी सहकार्य करीत आहेत.
