ब्रिस्बेन – भारताचा १४ वर्षीय वैभव सूर्यवंशीने ब्रिस्बेनमध्ये खेळल्या जाणाऱ्या पहिल्या युवा कसोटीत ऑस्ट्रेलिया अ संघाविरुद्ध धमाकेदार शतक ठोकले. कसोटीच्या दुसऱ्या दिवशी, वैभवने फक्त ८६ चेंडूत ११३ धावा केल्या. या स्फोटक खेळीत त्याने केवळ षटकार आणि चौकारांसह ८४ धावा केल्या. वैभवचे ऑस्ट्रेलियातील हे पहिले शतक आहे; यापूर्वी त्याने इंग्लंडमध्ये अनेक विक्रम केले होते. भारतीय युवा संघाने ४२८ धावसंख्या उभारुन आघाडी घेतली. दुसऱया डावात ऑस्ट्रेलिया अ संघाने एक बाद ८ धावा काढल्या आहेत.
३० सप्टेंबरपासून सुरू झालेल्या पहिल्या कसोटीत, ऑस्ट्रेलियन अंडर-१९ संघ पहिल्या डावात २४३ धावांवर ऑलआउट झाला. स्टीव्हन होगनने ऑस्ट्रेलिया अ संघाकडून सर्वाधिक ९२ धावा केल्या. भारताकडून पहिल्या डावात दीपेश देवेंद्रनने सर्वाधिक पाच बळी घेतले. किशन कुमारने तीन बळी घेतले आणि अनमोलजीत सिंग आणि खिलन पटेल यांनी प्रत्येकी एक बळी घेतला. भारताच्या पहिल्या डावात वैभव सूर्यवंशीसोबत वेदांत त्रिवेदीनेही शतक झळकावले.
वैभव सूर्यवंशीचा षटकार आणि चौकारांचा वर्षाव
वैभवने केवळ ८६ चेंडूत केलेल्या ११३ धावांच्या खेळीत आठ षटकार (४८ धावा) आणि नऊ चौकार (३६ धावा) मारले. त्याने सामना करणाऱ्या प्रत्येक गोलंदाजाला धुडकावून लावले, तर हेडन शिलरने त्याची विकेट घेतली. वैभवने ७८ चेंडूत आपले शतक पूर्ण केले.
वैभव सूर्यवंशी व्यतिरिक्त, भारताच्या वेदांत त्रिवेदीनेही शानदार शतक झळकावले. तो लेखनाच्या वेळी ११२ धावांवर नाबाद आहे. या डावात त्याने १५ चौकार मारले.
यापूर्वी, भारतीय अंडर-१९ संघाने ब्रिस्बेनमध्ये ऑस्ट्रेलिया अ संघाविरुद्ध तीन युवा एकदिवसीय सामने खेळले. दुसऱ्या सामन्यात वैभव सूर्यवंशीने अर्धशतक (७०) झळकावले. तीन एकदिवसीय सामन्यांमध्ये त्याने एकूण १२४ धावा केल्या होत्या.
या डावात वेदांत त्रिवेदी याने १४० धावांची दमदार शतकी खेळी केली. तयाने १९ चौकार मारले. खिलान पटेल याने दोन षटकार व सात चौकारांसह ४९ धावा फटकावल्या.
