डी ११ टी २० लीग क्रिकेट ः मुकीम शेख सामनावीर
छत्रपती संभाजीनगर ः डी स्पोर्ट्स प्रेझेंट्स डी ११ टी २० लीग क्रिकेट स्पर्धेत असरार ११ संघाने झैनब सहारा क्रिकेट क्लबचा ७८ धावांनी पराभव करुन आपली आगेकूच कायम ठेवली. या सामन्यात मुकीम शेख हा सामनावीर ठरला.
रुफीट क्रिकेट मैदानावर ही स्पर्धा सुरू आहे. असरार ११ संघाने नाणेफेक जिंकून प्रथम फलंदाजी स्वीकारत २० षटकात पाच बाद २१९ असा धावांचा डोंगर उभारुन सामन्यावर आपला वर्चस्व गाजवले. या धावसंख्येच्या प्रत्युत्तरात झैनब सहारा क्रिकेट क्लब २० षटकात आठ बाद १४१ धावा काढू शकला. असरार ११ संघाने ७८ धावांनी सामना जिंकला.
या सामन्यात आक्रमक फलंदाज मुकीम शेखचे शतक अवघ्या दोन धावांनी हुकले. मुकीम याने अवघ्या ५५ चेंडूंचा सामना करत ९८ धावांची वादळी खेळी केली. मुकीमने या वेगवान खेळीत ११ चौकार व तीन उत्तुंग षटकार मारले. आदर्श जैन याने ३१ चेंडूत ४१ धावा फटकावल्या. त्याने चार चौकार व एक षटकार मारला. मुस्तफा शाह याने १६ चेंडूत ३७ धावांची आक्रमक खेळी साकारली. त्याने चार चौकार व दोन षटकार मारले.
गोलंदाजीत शेख सादिक याने १५ धावांत दोन गडी बाद केले. नदीम पठाण याने ३२ धावांत दोन बळी गेतले. शेख अयाज याने २९ धावांत एक गडी बाद केला.
