छत्रपती संभाजीनगर ः महाराष्ट्र अमॅच्युअर नेटबॉल असोशिएशनच्या मान्यतेने व औरंगाबाद जिल्हा नेटबॉल असोसिएशन छत्रपती संभाजीनगरच्या वतीने २८ ते ३० ऑक्टोबर २०२५ या कालावधीत विभागीय क्रीडा संकुल, सुतगिरणी चौक, गारखेडा, छत्रपती संभाजीनगर येथे १९ वी सिनियर महाराष्ट्र राज्य (पुरुष / महिला) नेटबॉल अजिंक्यपद स्पर्धेचे आयोजन करण्यात आले आहे, अशी माहिती राज्य सचिव सतीश इंगळे यांनी दिली.
या राज्य स्पर्धेसाठी छत्रपती संभाजीनगर जिल्ह्याचा संघ निवडण्याकरिता औरंगाबाद जिल्हा नेटबॉल असोसिएशनच्या वतीने १९ ऑक्टोबर रोजी जिल्हास्तरीय नेटबॉल स्पर्धा व निवड चाचणी स्पर्धेचे आयोजन मातोश्री रमाबाई आंबेडकर हायस्कूल सिडको एन ७ छत्रपती संभाजीनगर येथे करण्यात आले आहे.
या स्पर्धेसाठी सकाळी ८.३० वाजता खेळाडूंनी वेळेवर उपस्थित राहावे. खेळाडूंनी आधारकार्ड, पाच पासपोर्ट फोटो, जिल्हा नोंदणी नंबर ही आवश्यक कागदपत्रे सोबत आणावीत. अधिक माहितीसाठी आकाश सरदार, संकेत संकेत बोंगर्गे, हर्षवर्धन मगरे, सचिन दांडगे (९७६७८८६४७८ /९८२२२७७३०६ /९६२३८६९२४७) यांच्याशी संपर्क साधावा.असे आवाहन जिल्हा संघटनेचे सुनील डावकर, धर्मेंद्र काळे, रमेश प्रधान, सतीश इंगळे, नितेश साबळे, मनोज बनकर, अनिल मोटे, निलेश भगत यांनी केले आहे.
