जळगाव ः रत्नागिरी येथे सुरू असलेल्या ३५ व्या महाराष्ट्र राज्य ज्युनिअर कुमार गट अजिंक्यपद स्पर्धेत जैन स्पोर्टस् अकॅडमी तथा जळगांव जिल्हा तायक्वांदो असोसिएशनची खेळाडू निकिता दिलीप पवार हिने मुलींच्या ५५ किलो आतील वजन गटात सुवर्णपदक पटकावले.
या सुवर्ण कामगिरीमुळे निकिताची बंगळुरू येथे होणार असलेल्या राष्ट्रीय स्पर्धेसाठी महाराष्ट्राच्या संघात स्थान निश्चित झाले आहे. नुकत्याच झालेल्या शालेय राज्य स्पर्धेत सुद्धा तिने सुवर्णपदक पटकावले असून शालेय राष्ट्रीय स्पर्धेसाठी निवड झाली आहे. तिला प्रशिक्षक जयेश बाविस्कर आणि अजित घारगे याचं प्रमुख मार्गदर्शन लाभले आहे.
तिच्या या यशाबद्दल जळगाव जिल्हा तायक्वांदो असोसिएशनचे अध्यक्ष अतुल भाऊ जैन, उपाध्यक्ष ललित पाटील, खजिनदार सुरेश खैरनार, सचिव अजित घारगे, सहसचिव रवींद्र धर्माधिकारी, सदस्य नरेंद्र महाजन, कृष्णकुमार तायडे, महेश घारगे, सौरभ चौबे तसेच जैन स्पोर्ट्स अकॅडमीचे अरविंद देशपांडे यांनी कौतुक करून शुभेच्छा दिल्या आहेत.
