सुवर्णपदक विजेत्या श्रुतकिर्ती खलाटेचा महाराष्ट्र संघात समावेश
छत्रपती संभाजीनगर : महाराष्ट्र ज्युदो संघटनेतर्फे मुंबई येथे आयोजित करण्यात आलेल्या कॅडेट राष्ट्रीय निवड चाचणी ज्युदो स्पर्धेत छत्रपती संभाजीनगर जिल्हा ज्युदो संघटनेच्या वाळूज एमआयडीसी भागातील बजाजनगर व्यायाम व क्रीडा प्रसारक मंडळाच्या श्रीमती परमेश्वरी देवानी ज्युदो प्रशिक्षण केंद्रातील खेळाडूंनी शानदार प्रदर्शन करत कॅडेट गटात १ सुवर्णपदक, १ रौप्य व १ कास्य पदक अशी एकूण ३ पदके पटकावली.
या स्पर्धेत श्रुतकीर्ती खलाटे हिने सुवर्णपदक जिंकले. या सुवर्ण कामगिरीमुळे तिची राष्ट्रीय स्पर्धेसाठी महाराष्ट्र संघात निवड झाली. भक्ती लोमटे हिने रौप्यपदक आणि ज्ञानेश्वरी जाधव हिने कांस्यपदक जिंकले.
सुवर्णपदक विजेत्या श्रुतकिर्ती मिनीनाथ खलाटे हिची कॅडेट राष्ट्रीय ज्युदो स्पर्धेसाठी महाराष्ट्र राज्य संघात निवड झाली आहे. या निवडीबद्दल ज्युदो क्लबच्या वतीने श्रुतकिर्ती खलाटे हिचा सत्कार करून अभिनंदन करण्यात आले.
या खेळाडूंना मुख्य प्रशिक्षक भीमराज रहाणे, अशोक जंगमे, सुधीर काटकर यांचे प्रशिक्षण लाभत आहे. विजेत्या खेळाडूंचे राज्य संघटनेचे तांत्रिक समिती सचिव दत्ता आफळे, शैलेश टिळक, सतीश पहाडे, योगेश धाडवे, जिल्हा क्रीडा अधिकारी बाजीराव देसाई, रामकिशन मायंदे, लता लोंढे, जिल्हा संघटनेचे अध्यक्ष अजित मुळे, सचिव अतुल बामणोदकर, विश्वजीत भावे, विश्वास जोशी, डॉ. गणेश शेटकर, प्रसन्न पटवर्धन, भास्कर जाधव, भीमाशंकर नावंदे, झिया अन्सारी, विजय साठे,अमित साकला,संजय परळीकर, सुनील सिरस्वाल, मनिंदर बिलवाल, दत्तू पवार, बजाजनगर क्रीडा मंडळाचे अध्यक्ष नंदमूरी श्रीनिवास, मनोहर देवानी, अनिल पवार, नामदेव दौड, अभिजीत दळवी, भिमराज रहाणे, अशोक जंगमे, सुधीर काटकर, विकास देसाई, शैलेश कावळे, सागर घुगे, राज जंगमे, कल्याणी शेटकर, उषा अंभोरे, ऋतुजा सौदागर, सायली राऊत, सुप्रिया जंगमे, ऋतुजा पाटिल, प्रियंका गुप्ता, तृप्ती जंगमे, धनश्री वाळूंज, शाळेचे मुख्याध्यापक यांनी अभिनंदन केले व पुढील स्पर्धेसाठी शुभेच्छा दिल्या.
