खेळाडूंनी देशांतर्गत क्रिकेट स्पर्धा खेळण्यावर भर द्यावा
सिडनी : बॉर्डर-गावसकर ट्रॉफी मालिकेत ऑस्ट्रेलियाविरुद्ध १-३ अशा पराभवानंतर भारतीय संघाचे मुख्य प्रशिक्षक गौतम गंभीर यांनी देशांतर्गत स्पर्धेत खेळणाऱ्या खेळाडूंना आग्रह धरला आहे. रोहित शर्मा व विराट कोहली यांनी कसोटी क्रिकेट भवितव्याचा निर्णय स्वत: घ्यावा असे गंभीर म्हणाले.
गंभीर म्हणाला की, ‘सर्व खेळाडूंनी देशांतर्गत स्पर्धेत लाल चेंडूच्या स्वरूपात खेळावे. जेणेकरून ते कसोटी संघासाठी आपला दावा मजबूत करू शकतील. ऑस्ट्रेलियाविरुद्धच्या सिडनी कसोटीत भारताचा सहा गडी राखून पराभव झाला आणि जागतिक कसोटी चॅम्पियनशिप फायनलसाठी पात्र होण्याच्या त्याच्या आशा धुळीला मिळाल्या.
रोहित-कोहली रणजीत खेळणार?
गंभीरचे हे वक्तव्य अशा वेळी आले आहे की, जेव्हा वरिष्ठ खेळाडू रणजी ट्रॉफीमध्ये खेळत नाहीत. या महिन्यापासून रणजी ट्रॉफीची पुढील फेरी सुरू होणार असून काही काळापासून खराब फॉर्ममध्ये असलेला भारतीय कर्णधार रोहित शर्मा आणि स्टार फलंदाज विराट कोहली यात सहभागी होणार की नाही हे पाहणे उत्सुकतेचे ठरणार आहे.
रोहित-कोहली मालिकेत ठरले फ्लॉप
ऑस्ट्रेलियाविरुद्धच्या मालिकेत रोहित आणि कोहलीच्या फॉर्मने खूप निराश केले. या दौऱ्यात कोहली याने एक शतक झळकावले, तर रोहितची बॅट पूर्णपणे फ्लॉप ठरली. त्यामुळे रोहित आणि कोहलीच्या भवितव्यावर प्रश्न उपस्थित होऊ लागले आहेत. गंभीरनेही याबाबत आपले मत व्यक्त केले आणि सांगितले की, कसोटीतील त्याच्या भवितव्याचा निर्णय तो रोहित आणि कोहलीवरच सोपवतो. हे दोन्ही खेळाडू संघाचे हित लक्षात घेऊन निर्णय घेतील, असे गंभीरचे म्हणणे आहे.
गंभीर म्हणाला, ‘तो एक दृढनिश्चयी व्यक्ती आहे ज्यामध्ये उत्कृष्ट कामगिरी करण्याची इच्छा आहे. भारतीय क्रिकेटसाठी सर्वोत्तम काय ते ते ठरवतील. मी कोणत्याही खेळाडूच्या भविष्याबद्दल बोलू शकत नाही. हे फक्त या दोघांवर अवलंबून आहे. मी एवढेच म्हणेन की त्याला अजूनही भूक आहे आणि त्याला आवड आहे. रोहित शर्माने वरच्या स्तरावर जबाबदारी दाखवली आहे.’
