अंबाजोगाई : अंबाजोगाई तालुक्यातील वाघाळा परिसरातील जिजाई इंग्लिश स्कूलमध्ये ज्येष्ठ क्रीडा मार्गदर्शक शिवकुमार निर्मळे यांच्या हस्ते क्रीडा ज्योत पेटवून क्रीडा महोत्सवाचा प्रारंभ उत्साहात करण्यात आला.
या कार्यक्रमाच्या अध्यक्षस्थानी संस्थाचालक रमेशराव कदम हे होते . यावेळी व्यासपीठावर सचिव सुरेश कदम, प्राचार्या शीतल मोरे यांची प्रमुख उपस्थिती होती. या प्रसंगी बोलताना शिवकुमार निर्मळे म्हणाले की, ‘दररोज एक तास कोणताही खेळ खेळला पाहिजे. त्यामुळे शारीरिक विकास होतो. खेळामुळे व्यायामही होतो.’
रमेशराव कदम यांनी अध्यक्षीय समारोपात विद्यार्थ्यांना शुभेच्छा व्यक्त केल्या. प्रारंभी सचिव सुरेश कदम यांनी प्रास्ताविकास शाळेच्या विकासाविषयी माहिती दिली.
पाहुण्यांचे स्वागत रुपाली काकडे आणि सुशांत कदम यांनी केले. कार्यक्रमाचे सूत्रसंचालन प्रतिमा गुरसुळकर यांनी केले. अमराजा नरारे यांनी आभार मानले. यावेळी शंभर मीटर धावण्याच्या स्पर्धा घेण्यात आल्या. कार्यक्रमासाठी जयश्री गायकवाड, विद्या समुद्रे, रुबीना शेख, योगेश्वरी मगर, स्वाती क्षीरसागर यांनी सहकार्य केले.
