छत्रपती संभाजीनगर : महाराष्ट्र शासनाच्या क्रीडा विभागामार्फत राज्यातील सर्वोकृष्ट क्रीडापटूंना व क्रीडा क्षेत्रात उल्लेखनीय कार्य करणाऱ्या व्यक्तींना क्रीडा विभागाचा प्रतिष्ठेचा शिवछत्रपती राज्य क्रीडा पुरस्कार प्रदान करण्यात येतो. या पुरस्कारासाठी संबंधितांनी आपले प्रस्ताव २६ जानेवारीपर्यंत पाठवावेत असे आवाहन जिल्हा क्रीडा अधिकारी बाजीराव देसाई यांनी केले आहे.
क्रीडा क्षेत्रातील विशेष उल्लेखनीय कामगिरी करणाऱ्या ज्येष्ठ क्रीडा महर्षिकरीता जीवन गौरव पुरस्कार, क्रीडा मार्गदर्शकांकरीता उत्कृष्ट क्रीडा मार्गदर्शक पुरस्कार/जिजामाता राज्य क्रीडा पुरस्कार (महिला क्रीडा मार्गदर्शक), शिवछत्रपती राज्य क्रीडा पुरस्कार (खेळाडू), शिवछत्रपती राज्य क्रीडा पुरस्कार (साहसी उपक्रम) व शिवछत्रपती राज्य क्रीडा पुरस्कार (दिव्यांग खेळाडू असे पुरस्कार प्रदान करण्यात येतात.
शासनाने नुकत्याच २९ डिसेंबर २०२३ अन्वये व शासन निर्णय २५ जानेवारी २०२४ नुसार शिवछत्रपती क्रीडा पुरस्कार सुधारीत नियमावली विहित केली आहे. या नियमावलीनुसार सन २०२३-२४ या वर्षाच्या पुरस्कारासाठी राज्यातील क्रीडा मार्गदर्शक, खेळाडू, दिव्यांग खेळाडू व साहसी उपक्रमात सहभागी झालेले खेळाडू / व्यक्ती यांच्याद्वारे १४ ते २६ जानेवारी २०२५ पर्यंत अर्ज मागविण्यात येत आहेत.
पुरस्कारासाठी अर्ज सादर करणाऱ्या इच्छूक क्रीडा मार्गदर्शक, खेळाडू, दिव्यांग खेळाडू व साहसी खेळाडू यांनी विहित मुदतीत क्रीडा विभागाच्या https://sports.maharashtra.gov.in या संकेतस्थळावरील स्क्रोलिंग लिंक (Scrolling Link) मध्ये उपलब्ध करून दिलेल्या लिंकवर १४ ते २६ जानेवारी २०२५ पर्यंत या कालावधीत २६ जानेवारी रोजी रात्री १२ वाजेपर्यंत फक्त ऑनलाईन अर्ज सादर करावेत असे आवाहन जिल्हा क्रीडा अधिकारी बाजीराव देसाई यांनी केले आहे.
