छत्रपती संभाजीनगरमधील तिघांची उपसमितीत निवड
छत्रपती संभाजीनगर : महाराष्ट्र राज्य अ‍ॅथलेटिक्स असोसिएशनची उपसमिती नुकतीच जाहीर करण्यात आली. मराठवाड्यातील डॉ दयानंद कांबळे, प्राचार्य शशिकला निलवंत आणि क्रीडा शिक्षिका स्मिता डबीर यांचा या समितीत समावेश करण्यात आला आहे.
राज्य अ‍ॅथलेटिक्स असोसिएशनच्या मुंबईत नुकत्याच झालेल्या बैठकीत अध्यक्ष विजयकुमार गौतम यांनी या उपसमितीची घोषणा केली. डॉ दयानंद कांबळे यांची शिक्षण समितीवर, प्राचार्य शशिकला निलवंत यांची महिला समितीवर आणि प्रतिष्ठित आदर्श क्रीडा शिक्षक पुरस्कार प्राप्तकर्त्या स्मिता डबीर यांची किड्स अ‍ॅथलेटिक्स समितीवर नियुक्ती करण्यात आली आहे. डॉ दयानंद कांबळे यांनी अ‍ॅथलेटिक्सच्या खेळावर अनेक संशोधन पत्रे प्रकाशित केली आहेत आणि तांत्रिक बाबींमध्ये ते कुशल आहेत. तसेच, डॉ बाबासाहेब आंबेडकर मराठवाडा विद्यापीठाचे क्रीडा संचालक असताना त्यांनी अश्वमेध क्रीडा स्पर्धा यशस्वीरित्या आयोजित केल्या. दरम्यान, ग्रामीण भागातील खेळाडूंच्या उत्थानासाठी काम करण्याचा मोठा अनुभव असलेल्या मुख्याध्यापिका शशिकला निलवंत यांची खेळाडूंच्या समस्या सोडवण्यासाठी महिला समितीवर निवड करण्यात आली आहे. तसेच, ‘किड्स अ‍ॅथलेटिक्स’ हा ६ ते १२ वयोगटातील मुलांमध्ये मैदानी खेळांची आवड निर्माण करण्यासाठी जागतिक अ‍ॅथलेटिक्स फेडरेशनचा एक बहुआयामी कार्यक्रम आहे आणि नाथ व्हॅली स्कूलमधील वरिष्ठ क्रीडा शिक्षिका आणि माजी वेगवान धावपटू स्मिता डाबीर यांची राज्याच्या किड्स अ‍ॅथलेटिक्स समितीवर निवड करण्यात आली आहे. अ‍ॅथलेटिक्समधील त्यांचे योगदान पाहून या तिघांना ही संधी देण्यात आली आहे.
राज्य अ‍ॅथलेटिक्स असोसिएशनचे आजीवन अध्यक्ष, ऑलिंपियन आदिल सुमारीवाला, कार्यकारी अध्यक्ष माजी एमएलसी श्रीकांत जोशी, उपाध्यक्ष पंकज भारसाखळे, जिल्हा संघटनेचे कार्यकारी अध्यक्ष डॉ रंजन बडवणे, सचिव डॉ फुलचंद सलामपुरे, मोहन मिसाळ आणि कमांडर विनोद नरवडे यांनी त्यांचे अभिनंदन केले आहे.
