आयसीसी अध्यक्ष जय शाह यांनी घेतली आयओसी प्रमुख थॉमस बाख यांची भेट
लॉसाने : आंतरराष्ट्रीय क्रिकेट परिषदेचे अध्यक्ष जय शाह यांनी ३० जानेवारीपासून लॉसाने येथे होणाऱ्या आंतरराष्ट्रीय ऑलिम्पिक समितीच्या विशेष सत्रापूर्वी आंतरराष्ट्रीय ऑलिम्पिक समितीचे प्रमुख थॉमस बाख यांची भेट घेतली. लॉस एंजेलिस येथे होणाऱ्या २०२८ च्या ऑलिम्पिक खेळांमध्ये क्रिकेटचा समावेश करण्यात आला आहे आणि या दृष्टिकोनातून ही बैठक महत्त्वाची मानली जात आहे.
आयसीसीने मंगळवारी दोन्ही मुख्य प्रशासकांच्या बैठकीचे फोटो सोशल मीडियावर पोस्ट केले. लॉस एंजेलिसमध्ये २०२८ च्या ऑलिम्पिक खेळानंतरही क्रिकेटला ऑलिम्पिक खेळ म्हणून समाविष्ट करण्याचे प्रयत्न सुरू आहेत,’ असे आयसीसीने ट्विटरवर पोस्ट केले. आयसीसी अध्यक्ष जय शाह यांनी या आठवड्यात स्वित्झर्लंडमधील लॉसाने येथे आंतरराष्ट्रीय ऑलिम्पिक समितीचे अध्यक्ष थॉमस बाख यांची भेट घेतली.
जय शाह यांची गेल्या वर्षी आयसीसी अध्यक्षपदी निवड झाली. त्यांनी १ डिसेंबर रोजी पदभार स्वीकारला. शाह हे ऑलिम्पिकमध्ये क्रिकेटला नियमित खेळ म्हणून समाविष्ट करण्यासाठी काम करत आहे. भारत आणि ऑस्ट्रेलिया यांच्यातील बॉर्डर-गावस्कर ट्रॉफी दरम्यान शाह ब्रिस्बेनमध्ये होते जिथे त्यांनी २०३२ च्या ब्रिस्बेन ऑलिम्पिक खेळांच्या आयोजन समितीच्या प्रमुख सिंडी हुक आणि क्रिकेट ऑस्ट्रेलियाचे सीईओ निक हॉकले यांची भेट घेऊन २०३२ च्या ऑलिम्पिकबद्दलच्या त्यांच्या चिंतांवर चर्चा केली. जेणेकरून क्रिकेटचा समावेश करण्यास प्रवृत्त केले जाऊ शकते.
१२८ वर्षांनंतर क्रिकेट ऑलिम्पिकमध्ये परतणार
लॉस एंजेलिस ऑलिम्पिकद्वारे १२८ वर्षांनंतर क्रिकेट ऑलिंपिकमध्ये परतणार आहे. याआधी १९०० मध्ये पॅरिसमध्ये झालेल्या ऑलिंपिक खेळांमध्ये क्रिकेटचा शेवटचा समावेश करण्यात आला होता.
