छत्रपती संभाजीनगर : छत्रपती संभाजीनगर जिल्हा बुद्धिबळ संघटना आणि टीआरएस फाऊंडेशन यांच्या संयुक्त विद्यमाने ७ वर्षांखालील मुले/मुली व १७ वर्षांखालील मुले/मुली गटाची जिल्हा बुद्धिबळ निवड चाचणी स्पर्धा २६ जानेवारी रोजी चेस लॅड, पाटोदा येथे आयोजित करण्यात आली आहे.
ही निवड चाचणी मुले व मुली या स्वतंत्र गटात होणार आहे. या निवड चाचणी स्पर्धेतून ७ वर्षीय व १७ वर्षीय मुले व मुली यांचा २-२ खेळाडूंचा संघ निवडण्यात येईल. निवड झालेला संघ हा आगामी राज्य अजिंक्यपद स्पर्धेत संभाजीनगर जिल्ह्याचे प्रतिनिधित्व करणार आहे.
सहभागी खेळाडूंनी २६ जानेवारी रोजी दुपारी २ वाजता आपली उपस्थिती नोंद करणे आवश्यक आहे. ही स्पर्धा फिडे नियमांर्गत स्विस लीग पद्धतीने घेण्यात येईल.
विजेत्यांना मेडल दिले जातील. सहभागी स्पर्धकांना प्रमाणपत्र प्रदान करण्यात येणार आहे.
प्रवेश्छुकांनी अधिक माहितीसाठी जिल्हा बुद्धिबळ संघटना सचिव हेमेंद्र पटेल यांच्याशी संपर्क साधावा असे आयोजकांकडून कळविण्यात आले आहे.
जिल्ह्यातील होतकरू बुद्धिबळ खेळाडूंनी या निवड चाचणी स्पर्धेत जास्तीत जास्त संख्येने सहभाग घ्यावा असे आवाहन टीआरएस फाऊंडेशनची महिला आंतरराष्ट्रीय मास्टर तेजस्विनी सागर आणि अंजली सागर यांनी केले आहे.
