पालकमंत्री गुलाबराव पाटील यांच्या हस्ते रविवारी होणार गौरव
जळगाव : महाराष्ट्र शासनाच्या वतीने जिल्हास्तरावर उत्कृष्ट क्रीडापटू, दिव्यांग खेळाडू व क्रीडा मार्गदर्शक यांच्या कामगिरीचा गौरव करण्यासाठी दरवर्षी २६ जानेवारी रोजी क्रीडा पुरस्कार प्रदान केले जातात. या वर्षी सन २०२२-२३, २०२३-२४ व २०२४-२५ या तीन वर्षांचे पुरस्कार जाहीर करण्यात आले असून २६ जानेवारी रोजी पालकमंत्री गुलाबराव पाटील यांच्या हस्ते या खेळाडूंचा गौरव करण्यात येणार असल्याची माहिती जिल्हा क्रीडा अधिकारी रवींद्र नाईक यांनी दिली.
हा पुरस्कार जळगाव जिल्ह्यातील क्रीडा क्षेत्रात उल्लेखनीय कामगिरी करणाऱ्या व्यक्तींना जाहीर करण्यात आला आहे. २६ जानेवारी रोजी जिल्ह्याचे पालकमंत्री गुलाबराव पाटील यांच्या हस्ते मुख्य शासकीय कार्यक्रमात पुरस्कारांचे वितरण होणार आहे.
सन २०२२-२३ मधील पुरस्कार विजेते
गुणवंत पुरुष खेळाडू : स्वप्नील कैलास महाजन (आट्यापाट्या)
गुणवंत महिला खेळाडू : निवेदिका बाळकृष्ण कोळंबे (आट्यापाट्या)
गुणवंत क्रीडा मार्गदर्शक : सीमा रामचंद्र माळदकर (हँडबॉल)
सन २०२३-२४ मधील पुरस्कार विजेते
गुणवंत पुरुष खेळाडू : उदय अनिल महाजन (वेटलिफ्टिंग)
गुणवंत महिला खेळाडू : रोशनी सलीम खान (आट्यापाट्या)
सन २०२४-२५ मधील पुरस्कार विजेते
गुणवंत पुरुष खेळाडू : पुष्पक रमेश महाजन (तायक्वांदो)
गुणवंत महिला खेळाडू : नेहा नितीन देशमुख (सॉफ्टबॉल)
गुणवंत क्रीडा मार्गदर्शक : प्रा डॉ जयंत भालचंद्र जाधव (सॉफ्टबॉल)
