जळगाव : जळगाव जिल्हा क्रीडा अधिकारी कार्यालयाच्या वतीने क्रीडा क्षेत्रात उल्लेखनीय कामगिरी करणाऱ्या खेळाडूंना गुणवंत खेळाडू पुरस्काराने सन्मानित करण्यात येते. यावर्षीच्या पुरस्कारांमध्ये जळगाव जिल्हा तायक्वांदो असोसिएशन आणि जैन स्पोर्ट्स अकॅडमीचा खेळाडू पुष्पक रमेश महाजन याला तायक्वांदो या क्रीडा प्रकारात उल्लेखनीय कामगिरी केल्याबद्दल सन २०२४-२५ चा गुणवंत खेळाडू पुरस्काराने पालकमंत्री गुलाबराव पाटील यांच्या हस्ते गौरवचिन्ह देऊन गौरविण्यात आले.
यावेळी जिल्हाधिकारी आयुष प्रसाद, जिल्हा पोलिस अधीक्षक महेश्वर रेड्डी, तसेच जिल्हा क्रीडा अधिकारी रवींद्र नाईक हे उपस्थित होते. पुष्पक महाजनला मिळालेल्या पुरस्काराबद्दल संघटनेचे अध्यक्ष अतुल जैन, उपाध्यक्ष ललीत पाटील, महासचिव अजित घारगे, कोषाध्यक्ष सुरेश खैरनार, सहसचिव रवींद्र धर्माधिकारी, सदस्य सौरभ चौबे, महेश घारगे, नरेंद्र महाजन, कृष्णकुमार तायडे तसेच जैन स्पोर्ट्स अकॅडमीचे अरविंद देशपांडे, जयेश बाविस्कर यांनी अभिनंदन करून पुढील वाटचालीसाठी शुभेच्छा दिल्या.
