छत्रपती संभाजीनगर : मुंबई ओपन कराटे स्पर्धेत छत्रपती संभाजीनगर शहरातील सेल्फ डिफेन्स अकॅडमी खेळाडूंनी पाच पदकांची कमाई केली. त्यात दोन सुवर्ण, दोन रौप्य आणि एक कांस्य पदकाचा समावेश आहे.
इंडियन गेन्सेरियू कराटे दो फेडेरेशन व इंडियन मार्शल आर्टस् अकॅडमीतर्फे अंधेरी येथील राजे शहाजी क्रीडा संकुल येथे मुंबई ओपन कराटे स्पर्धेचे आयोजन करण्यात आले होते. या स्पर्धेत छत्रपती संभाजीनगर येथील सेल्फ डिफेन्स अकॅडमीच्या खेळाडूंनी उत्कृष्ट कामगिरी करत पाच पदके पटकावली.
या स्पर्धेत धनश्री शेंडे, स्वरांजली येलपल्ले यांनी सुवर्णपदक पटकावले. मृण्मयी वाढेकर, युवराज खैरे या खेळाडूंनी रौप्यपदकाची कमाई केली. अनन्या कोळी हिने कांस्यपदक जिंकले. कुमिते प्रकारात खेळाडूंनी हे यश संपादन केले.
या घवघवीत यशाबद्दल कराटे डू असोसिएशन ऑफ महाराष्ट्र संघटनेचे सचिव संदीप गाडे, अरुण भोसले, बळीराम राठोड, मुकेश बनकर, विजय टकले, कैलास जाधव, जितू चंदनसे, नितीन चव्हाण, क्रांतिश्वर बनकर आदींनी खेळाडूंचे अभिनंदन केले. या सर्व खेळाडूंना मुख्य प्रशिक्षक बळीराम राठोड, नितीन चव्हाण यांचे मार्गदर्शन लाभले आहे.
